అంతర్జాతీయం
మరోసారి కలుసుకోనివ్వం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 12: తమ దేశంలో మరణశిక్ష ఎదుర్కొంటున్న భారత మాజీ నౌకాధికారి కుల్‌భూషణ్ జాదవ్‌ను కలుసుకునేందుకు భారత అధికారులను రెండోసారి అనుమతించేది లేదని పాకిస్తాన్ గురువారం స్పష్టం చేసింది. ఉగ్రవాదం, గూఢచర్యం ఆరోపణలపై పాకిస్తాన్ సైనిక కోర్టు జాదవ్‌కు మరణశిక్ష విధించిన విషయం తెలిసిందే. దీనిపై అంతర్జాతీయ న్యాయస్థానాన్ని ఆశ్రయించిన భారత్ మరణశిక్షపై స్టే ఇవ్వాలని కోరింది. అంతర్జాతీయ న్యాయస్థానం ఆదేశాల మేరకు జాదవ్‌ను కలుసుకునేందుకు భారత్ దౌత్య అధికారులను పాకిస్తాన్ అనుమతించింది. ఇందులో భాగంగా ఈనెల రెండో తేదిన ఇస్లామాబాద్‌లో ని భారత హై కమిషన్ అధికారి గౌరవ్ అహ్లూ వాలియా రెండు గంటల పాటు జాదవ్‌తో సమావేశమయ్యారు. అయితే మరోసారి జాదవ్‌ను కలుసుకునేందుకు భారత్ అధికారులను ఎట్టిపరిస్థితుల్లోనూ అనుమతించేంది లేదని పాకిస్తాన్ విదేశాంగ శాఖ ప్రతినిధి మహ్మద్ ఫైజల్ స్పష్టం చేశారు. జాదవ్ విషయంలో భారత్- పాక్ ల మధ్య తీవ్రస్థాయిలోనే దీర్ఘకాలంగా వాగ్వియుద్ధం జరుగుతోంది. ఇరాన్ నుంచి తమ దేశంలోకి ప్రవేశించిన జాదవ్‌ను బలూచిస్తాన్‌లో తమ అధికారులు అరెస్ట్ చేశారని పాకిస్తాన్ చెబుతోంది. జాదవ్‌ను ఇరాన్ నుంచి పాకిస్తాన్ అధికారులు కిడ్నాప్ చేశారని భారత్ ఆరోపిస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.