అంతర్జాతీయం
పూర్తిగా వైదొలగం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 21: అఫ్గనిస్తాన్ నుంచి తమ దళాలు పూర్తిగా వైదొలగే ప్రసక్తే లేదని అమెరికా అధ్యక్షుడు డొనాల్డ్ ట్రంప్ స్పష్టం చేశారు. ఇక్కడి తాలిబన్లు మళ్లీ పుంజుకుని తమ ఆధిపత్యాన్ని చెలాయించడానికి ఎలాంటి అవకాశం లేకుండా కట్టడి చేస్తామని, ఇందుకోసమే తమ దళాలను కొంతమేర ఇక్కడే ఉంచుతామని ఆయన తెలిపారు. 2001 నుంచి అఫ్గాన్‌లో తాలిబన్లతో జరుపుతున్న యుద్ధంలో 2400 మంది సైనికులను అమెరికా కోల్పోయింది. 2016 ఎన్నికల ప్రచారంలో మాట్లాడిన ట్రంప్ అఫ్గాన్ నుంచి పూర్తిస్థాయిలో తమ సైన్యాన్ని వెనక్కి తీసుకుంటామని ప్రకటించారు. అయితే, ఇపుడు మారిన పరిస్థితుల దృష్ట్యా పూర్తిగా తమ సైన్యాన్ని ఉపసంహరించుకునేది లేదని అంటున్నారు. ప్రస్తుతం తాలిబన్లతో జరుపుతున్న శాంతి చర్చల గురించి ప్రస్తావించిన ఆయన అఫ్గాన్‌లో పూర్తిస్థాయిలో శాంతిని పాదుగొలిపేందుకు అనేక అంశాలపై దృష్టి పెట్టామని తెలిపారు. ఆవిధంగానే తాము ముందుకు వెళ్తున్నామని, తమ ఆలోచలు ఎవరికి నచ్చినా నచ్చకపోయినా వెనక్కి తగ్గేది లేదని ఆయన అన్నారు. ప్రస్తుతం తాలిబన్లతో జరుపుతున్న చర్చలు అనుకున్న విధంగానే సాగుతున్నాయని, అంతిమ ఫలితం ఎలా ఉంటుందన్నది ఇప్పుడే చెప్పలేమని అన్నారు. అఫ్గాన్‌లో శాంతి విషయంలో ఇప్పటివరకు వచ్చిన అమెరికా అధ్యక్షులు అందరికంటే కూడా తాను ఎక్కువే చేస్తున్నానని ట్రంప్ వివరించారు. తాను ఎవరి ఒత్తిళ్లకు లొంగేది లేదని స్పష్టం చేసిన ట్రంప్ అఫ్గానిస్తాన్ కారణంగానే సోవియట్ యూనియన్ కాస్త రష్యాగా చీలిపోయిందని ఆయన అన్నారు. ప్రస్తుతం అఫ్గాన్ వ్యవహారాల్లో రష్యా జోక్యం చేసుకునే పరిస్థితి లేదని పేర్కొన్న ఆయన ‘ఇందుకు రష్యా సిద్ధమైతే మాకు ఎలాంటి అభ్యంతరం లేదు’ అని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.