అంతర్జాతీయం
కరాచీ వెళ్లే థార్ ఎక్స్‌ప్రెస్‌ను రద్దు చేసిన భారత్ రైల్వే
S ,7 à 8 RSCA (si SASPAS) et 6 cialis pharmacie cialis rapports de stage.
జైపూర్, ఆగస్టు 16: పాకిస్తాన్‌లోని కరాచీకి వెళ్ళే థార్ ఎక్స్‌ప్రెస్‌ను భారతీయ రైల్వే అధికారులు రద్దు చేశారు. ప్రతి శుక్రవారం రాజస్థాన్‌లోని జోధ్‌పూర్ నుంచి కరాచీకి థార్ ఎక్స్‌ప్రెస్ రైలు వెళుతున్న సంగతి తెలిసిందే. జమ్మూ-కాశ్మీర్, లడఖ్‌ను కేంద్ర పాలిత ప్రాంతాలుగా మారుస్తూ పార్లమెం టు ఆమోదించడం, దానికి రాష్టప్రతి రాంనాథ్ కోవింద్ ఆమోద ముద్ర వే యడంతో, పాక్ మండిపడుతున్నది. 2008 సంవత్సరంలో జోధ్‌పూర్-కరాచీల మధ్య పునరుద్ధరించిన థార్ ఎక్స్‌ప్రెస్‌ను నిలిపి వేస్తున్నట్లు పాక్ రైల్వే మంత్రి షేక్ రషీద్ అహ్మద్ ఆగస్టు 9న ఇస్లామాబాద్‌లో ప్రకటించారు. ఆ రోజున 180 ప్రయాణికులతో జోథ్ పూర్ నుంచి కరాచీకి రైలు వెళ్ళింది. భారత్ నుంచి ఇదే చివరి రైలు అని షేక్ రషీద్ పేర్కొన్నారు. ఇలాఉండగా రాజస్థాన్, జోధ్‌పూర్ నుంచి కరాచీకి రైళ్ళ రాకపోకలను పూర్తిగా నిలిపి వేస్తున్నట్లు నార్త్-వెస్ట్రన్ రైల్వేల పౌర సంబంధాల ప్రధాన అధికారి (సీపీఆర్‌వో) అభయ్ శర్మ శుక్రవారం ఒక ప్రకటనలో పేర్కొన్నారు. తదుపరి ఉత్తర్వులు వెలువడేంత వరకు ఈ రైళ్ళను నిలిపి వేస్తున్నట్లు ఆయన తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.