అంతర్జాతీయం
జర్దారీ జ్యుడీషియల్ రిమాండ్ పొడిగింపు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 16: పాకిస్తాన్‌లోని అవినీతి వ్యతిరేక కోర్టు శుక్రవారం దేశ మాజీ అధ్యక్షుడు ఆసిఫ్ అలీ జర్దారీకి నకిలీ బ్యాంకు ఖాతాల కేసులో విధించిన జ్యుడీషియల్ రిమాండ్‌ను మూడు రోజు లు పొడిగించింది. ఒక మీడియా కథనం ఈ విషయం వెల్లడించింది. అకౌంటబిలిటి కోర్టు న్యాయమూర్తి మహమ్మద్ బషీర్ ఎదుట 64 ఏళ్ల జర్దారీని హాజరు పరచగా, న్యాయమూర్తి జర్దారీని మూడు రోజుల జ్యుడీషియల్ కస్టడీ కోసం రావల్పిండిలోని అడియాలా జైలుకు పంపించారు. ఈ కేసుకు సంబంధించి కొత్త అంశాలు వెలుగులోకి వచ్చాయని, అందువల్ల జర్దారీ జ్యుడీషియల్ రిమాండ్‌ను పొడిగించాలని అంతకు ముందు నేషనల్ అకౌంటబిలిటి బ్యూరో ప్రాసిక్యూటర్ ముజఫర్ అబ్బాసి న్యాయమూర్తికి విన్నవించారు. దీంతో న్యాయమూర్తి జర్దారీ జ్యుడీషియల్ రిమాండ్‌ను పొడిగించారని డాన్ వార్తాపత్రిక తెలిపింది. పాకిస్తాన్ పీపుల్స్ పార్టీ (పీపీపీ) కోచైర్మన్ అయిన జర్దారీని తిరిగి ఈ నెల 19న అకౌంటబిలిటి కోర్టులో హాజరు పరుస్తారు. తన క్లయింట్ ఇప్పటికే 90 రోజుల పాటు రిమాండ్‌లో ఉన్నారని జర్దారీ తరపు న్యాయవాది సర్దార్ లతీఫ్ ఖోసా కోర్టుకు తెలిపారని జియో టీవీ పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.