అంతర్జాతీయం
అమెరికాలో భారత విద్యార్థికి జైలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 14: 66 కంప్యూటర్లను ధ్వంసం చేసిన నేరానికి అమెరికాలో భారత విద్యార్థి విశ్వనాథ్ ఆకుతోటకు న్యూయార్క్ కోర్టు ఏడాది జైలుశిక్ష విధించింది. ఆ తర్వాత మరో ఏడాదిపాటు అతనిపై నిఘా ఉంటుందని స్పష్టం చేసింది. న్యూయార్క్‌లోని సెయింట్ రోజ్ యూనివర్సిటీ విద్యార్థి అయిన విశ్వనాథ్ మితిమీరిన చార్జింగ్ పెట్టడంతో 66 కంప్యూటర్ల సీపీయూలు, మానిటర్లు, ఇతరత్రా పరికరాలు ధ్వంసమయ్యాయి. పదే పదే ఓవర్ చార్జింగ్ చేయడం, ఆ వెంటనే వాటిని డిశ్చార్జి చేయడం వంటి చర్యలకు పాల్పడడంతో యూనివర్సిటీకి 58,471 డాలర్ల నష్టం వాటిల్లినట్టు అధికారులు తెలిపారు. ఈ ఏడాది ఫిబ్రవరి 22న నార్త్‌కరోలినాలో పోలీసులు విశ్వనాథ్‌ను అదుపులోకి తీసుకున్నారు. అప్పటినుంచి అతను జైలులోనే ఉన్నాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.