అంతర్జాతీయం
మా వైఖరి మారలేదు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఆగస్టు 9: జమ్మూ-కాశ్మీర్ విషయంలో తమ వైఖరిలో ఎలాంటి మార్పు లేదని, అయితే సమస్య ఉద్రిక్తతలకు దారితీయకుండా భారత్-పాకిస్తాన్‌లు సంయమనం పాటించి, ప్రత్యక్ష చర్చల ద్వారా విభేదాలను నివృత్తి చేసుకోవాలని అమెరికా విజ్ఞప్తి చేసింది. మీడియాతో మాట్లాడిన అమెరికా విదేశాంగ ప్రతినిధి మోర్గాన్ ఓర్టాగస్ ఈ విషయాన్ని స్పష్టం చేశారు. కాశ్మీర్ ద్వైపాక్షిక సమస్య అని, సంబంధిత దేశాల్లో చర్చల ద్వారా దీనిని పరిష్కరించుకోవాలన్నది దీర్ఘకాలంగా తాము అనుసరిస్తున్న విధానమని ఆమె తెలిపారు. ఈ చర్చలు ఎలా జరపాలి? ఏ అంశాల ప్రాతిపదికన నిర్వహించాలన్నది పూర్తిగా భారత్-పాక్‌లకు నిర్ణయించుకోవాల్సిన అంశమని తెలిపారు. కాశ్మీర్‌పై అమెరికా వైఖరి మారి ఉంటే తాను ఈ సమావేశాన్ని ఏర్పాటు ఈ ప్రకటన చేసి ఉండేదానిని కాదని మరో ప్రశ్నకు సమాధానంగా ఆమె తెలిపారు. త్వరలోనే అమెరికా విదేశాంగ శాఖకు చెందిన సీనియర్ అధికారులు ఢిల్లీ వెళ్తారన్న విషయాన్ని ఆమె వెల్లడించారు. శాంతి, సుస్థిరతలకు ఎలాంటి విఘాతం కలుగకూడదన్నది తమ అభిమతమని, భారత్-పాక్ నేరుగానే మాట్లాడుకుని సమస్యలు నివృత్తి చేసుకోవాలని తాము మొదటినుంచి కోరుతున్నామని అన్నారు. జమ్మూ-కాశ్మీర్ ప్రత్యేక హోదాను భారత్ రద్దు చేసిన నేపథ్యంలో ఇరు దేశాల మధ్య ఉద్రిక్తతలు పెరిగే అవకాశం ఉండడంతో అమెరికా, చైనా సహా పలు దేశాలు చర్చల మార్గమే శరణ్యమని ఇరు దేశాలకు సూచించాయి. పాకిస్తాన్ కొన్ని ప్రతీకార చర్యలకు పాల్పడుతున్న నేపథ్యంలో మరింతగా ప్రపంచ దేశాల నుంచి ఒత్తిడి మొదలైంది. కాగా, భారత నాయకత్వంతో అనేక అంశాలపై తాము చర్చిస్తున్నామని, అలాగే పాకిస్తాన్‌తో కూడా సన్నిహితంగా మెసలుతున్నామని ఓర్టాగస్ తెలిపారు. కాశ్మీర్‌లో మానవ హక్కుల ఉల్లంఘన జరుగుతోందంటూ పాకిస్తాన్ ప్రధాని ఇమ్రాన్ ఖాన్ చేసిన ఆరోపణలపై వ్యాఖ్యానించడానికి ఆమె నిరాకరించారు.
అంతర్జాతీయంగా ఎక్కడ ఎలాంటి సమస్యలు వచ్చిన ఆయా దేశాలకు శాంతియువతంగా మెసలాలనే అమెరికా స్పష్టం చేస్తూ వస్తోందని వివరించారు. జమ్మూ-కాశ్మీర్ పరిస్థితిని లోతుగా తాము గమనిస్తున్నామని పేర్కొన్న ఆమె 370 అధికరణ రద్దుకు ముందు భారత్ తమను సంప్రదించలేదని వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.