అంతర్జాతీయం
ఆందోళనకారులపై బాష్పవాయు ప్రయోగం
S ,7 à 8 RSCA (si SASPAS) et 6 cialis pharmacie cialis rapports de stage.
హాంకాంగ్, ఆగస్టు 4: హాంకాంగ్‌లో ప్రజాస్వామ్య అనుకూల ఆందోళనకారులు వరుసగా రెండో రోజు ఆదివారం సాయంత్రం కూడా నిరసన కార్యక్రమాలు నిర్వహించారు. రహదారుల దిగ్బంధానికి పూనుకున్నారు. ఈ సందర్భంగా ఆందోళనకారులు భద్రతా బలగాలతో ఘర్షణలకు దిగారు. దీంతో రియోట్ పోలీసులు ఆందోళనకారులను చెదరగొట్టడానికి బాష్పవాయు గోళాలను ప్రయోగించారు. మరోవైపు, హాంకాంగ్‌లో ఆందోళనకారులు సృష్టిస్తున్న అశాంతిపై చైనా మరోసారి హెచ్చరికలు జారీ చేసింది. షెయుంగ్ వాన్ జిల్లాలో పోలీస్ లైన్స్ వైపు దూసుకెళ్తున్న ఆందోళనకారులను చెదరగొట్టడానికి పోలీసులు స్వల్పంగా బాష్పవాయు గోళాలను ప్రయోగించారు. సబ్‌వేలోకి దూసుకెళ్లిన ఆందోళనకారులు ఒక కొత్త ప్రదేశంలోకి కూడా చొచ్చుకెళ్లడానికి ప్రయత్నించడంతో పోలీసులు వారిని అడ్డుకున్నారు. దీంతో ఆందోళనకారులు పోలీసులతో ఘర్షణకు దిగారు. చైనా అధికార వార్తాసంస్థ జిన్హువా ఆదివారం ప్రచురించిన కొత్త వ్యాఖ్యలు తాజా అశాంతికి కారణమయ్యాయి. దుష్ట శక్తులు దేశానే్న బెదిరిస్తున్నాయని, పరిస్థితి ఇలాగే కొనసాగితే కేంద్ర ప్రభుత్వం ఊరకే చూస్తూ కూర్చోదని జిన్హువా పేర్కొంది. ఆదివారం నాటి ఘర్షణల కారణంగా పోలీసులు రెండు వందల మందికి పైగా ఆందోళకారులను అరెస్టు చేశారు. పదుల సంఖ్యలో ఆందోళనకారులపై కేసులు నమోదు చేశారు. ఇదిలా ఉండగా, అవసరమయితే, అశాంతిని అణచివేయడానికి తాను సిద్ధంగా ఉన్నట్టు చైనా సైన్యం ప్రకటించింది.
చిత్రం...ఆందోళనకారులపై బాష్పవాయు ప్రయోగం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.