అంతర్జాతీయం
ఆసియా సదస్సు భగ్నానికి కుట్ర
S ,7 à 8 RSCA (si SASPAS) et 6 cialis pharmacie cialis rapports de stage.
బ్యాంకాక్, ఆగస్టు 2: బ్యాంకాక్‌లో శుక్రవారంనాడు జరిగిన ఆసియా శిఖరాగ్ర సదస్సును లక్ష్యంగా చేసుకుని బాంబు దాడులకు తెగబడిన ఇద్దరు అనుమానిత వ్యక్తులను పోలీసులు అరెస్టు చేశారు. ఈ శిఖరాగ్ర ప్రాంతీయ సదస్సుకు బ్యాంకాక్ ఆతిధ్యమివ్వగా, అమెరికా విదేశాంగ శాఖ మంత్రి మైక్ పోంపియో హాజరయ్యారు. ఈ సదస్సును భగ్నం చేయడానికి లక్ష్యంగా చేసుకుని కొంతమంది తిరుగుబాటు దళానికి చెందిన వ్యక్తులు బాంబు దాడులకు దిగారు. ఈ సంఘటనలో నలుగురు వ్యక్తులు తీవ్రంగా గాయపడగా, సదస్సు నిర్వహణకు ఎలాంటి ఆటంకం కలుగలేదని సంబంధిత అధికార వర్గాలు తెలిపాయి. ఈ ఏడాది మార్చిలో దేశంలో ఎన్నికలు జరిగిన తర్వాత మళ్లీ ప్రజా ప్రభుత్వం అధికారంలోకి వచ్చింది. ఈ సందర్భంగా ప్రధానమంత్రి ప్రయుత్ చాన్-ఓ-చా ఇక్కడ మీడియా ప్రతినిధులతో మాట్లాడుతూ ‘ఇప్పటివరకు తొమ్మిదిసార్లు బాంబు దాడులు జరిగాయి. కానీ మా ఉద్దేశాల్లో ఎలాంటి మార్పు లేదు. శిఖరాగ్ర సదస్సును లక్ష్యంగా చేసుకుని కొంతమంది దాడులకు దిగారు. వారిలో ఇద్దరిని పోలీసులు అరెస్టు చేశారు’ అని పేర్కొన్నారు. పోలీస్ చీఫ్ జక్తిప్ చాయ్‌జిందా సైతం మలేషియాలోని ముస్లిం మెజారిటీ సరిహద్దు ప్రాంతం నుంచి కొంతమంది వ్యక్తులు ఇక్కడకు తరలివచ్చిన విషయాన్ని ధృవీకరించారు. పోలీసులు అరెస్టు చేసిన వ్యక్తులకు తిరుగుబాటుదారులతో ఎలాంటి సంబంధాలు ఉన్నాయన్న దానిపై విచారణ జరుపుతామని ఆయన స్పష్టం చేశారు. శుక్రవారంనాటి బాంబు దాడుల ఘటనతో ప్రభుత్వాన్ని ఇబ్బంది పెట్టడంతోపాటు ఆసియా శిఖరాగ్ర సదస్సును విచ్ఛిన్నం చేయడానికి చేసిన కుట్ర భగ్నమైందని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.