అంతర్జాతీయం
మధ్యప్రాచ్యంలో అదనపు బలగాలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 25: ఇరాన్ తన ఆస్తులపై దాడి చేసే ప్రమాదం ఉండటంతో 1,500 అదనపు బలగాలను మధ్యప్రాచ్యంలో మోహరిస్తున్నట్టు అమెరికా తెలిపింది. అయితే, అమెరికా చర్యను ఇరాన్ తీవ్రంగా ఖండించింది. అమెరికా చర్య అంతర్జాతీయ శాంతికి ప్రమాదకరమని పేర్కొంది. ‘మా ప్రాంతంలో అమెరికా బలగాల ఉనికి పెరగడం తీవ్రమయిన ప్రమాదం. అంతర్జాతీయ శాంతికి ముప్పు’ అని ఇరాన్ విదేశాంగ మంత్రి మహమ్మద్ జావద్ జారిఫ్ పేర్కొన్నారని దేశ అధికార వార్తాసంస్థ ఇర్నా శనివారం తెలిపింది. అమెరికా ఆస్తులపై దాడి చేయాలని ఇరాన్ ప్రణాళిక రూపొందించిందని, అందువల్ల మధ్యప్రాచ్యానికి విమాన వాహక నౌకను, బీ-52 బాంబర్లను, అదనపు బలగాలను పంపించాలని అమెరికా ఈ నెల మొదట్లో నిర్ణయించింది. ఈ నిర్ణయం మేరకు మధ్యప్రాచ్యంలో అమెరికా సైనిక బలగాల ఉనికి పెరుగుతోంది. అమెరికాకు మిత్రదేశం, ఇరాన్‌కు బద్ధ శత్రువు అయిన సౌదీ అరేబియాకు ఆయుధాల విక్రయంపై అమెరికన్ కాంగ్రెస్ విధించిన ఆంక్షలను తొలగించడానికి కూడా అమెరికా అధ్యక్షుడు డొనాల్డ్ ట్రంప్ పాలనాయంత్రాంగం కసరత్తు చేస్తోంది. ‘ఇరాన్ నుంచి ముప్పు పొంచి ఉన్నట్టు విశ్వసనీయ సమాచారం ఉన్నందున దూరదృష్టితో తీసుకున్న నిర్ణయమిది’ అని అమెరికా రక్షణ శాఖ మంత్రి పాట్రిక్ షానహన్ శుక్రవారం పేర్కొన్నారు. మధ్యప్రాచ్యంలో అదనపు బలగాల మోహరింపునకు ఆమోదం తెలిపిన అధ్యక్షుడు ట్రంప్ ఈ చర్యను ‘రక్షణాత్మకమయినది’గా అభివర్ణించారు. ‘మాకు మధ్యప్రాచ్యంలో రక్షణ కావాలని కోరుకుంటున్నాం’ అని ట్రంప్ విలేఖరులతో అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.