అంతర్జాతీయం
అనాగరికం, అటవికం
S ,7 à 8 RSCA (si SASPAS) et 6 cialis pharmacie cialis rapports de stage.
కొలంబో: శ్రీ లంకలో జరిగిన వరుస బాంబు పేలుళ్ళ ఘటనలు అనాగరికమైనవని, అటవిక చర్య అని ప్రపంచ దేశాల నేతలు పలువురు తీవ్రంగా ఖండించారు. ఆరు గంటల్లో 8 చోట్ల జరిగిన పేలుళ్ళలో 150 మందికి పైగా మృత్యువాత పడ్డారని, వీరిలో డజన్ల కొద్దీ విదేశీయులూ ఉన్నారు. ఇలాఉండగా బ్రిటీషు, డచ్, అమెరికా తదితర దేశాలు ఆ దేశ ప్రజలకు మద్దతు ప్రకటించాయి. ఆదివారం ఈస్టర్ రోజున చర్చిలు, హోటళ్ళు తదితర జన సంచారం అధికంగా ఉన్న ప్రాంతాల్లో ఉగ్రవాదులు బాంబు పేలుళ్ళ ఘటనలతో దిగడంతో ప్రాణ నష్టం అధికంగా జరిగింది. వరుస బాంబు పేలుళ్ళ ఘటనలతో తీవ్రంగా గాయపడిన వారిలో జపాన్ దేశీయులు కూడా ఉన్నట్లు ఆసుపత్రి వర్గాలు తెలిపాయి. ఈ ఘటనలను బ్రిటీష్ ప్రధాన మంత్రి థెరిసా తీవ్రంగా ఖండించారు. మృతి చెందిన వారికి సంతాపం తెలిపారు. గాయపడిన వారికి సానుభూతిని ప్రకటిస్తూ ‘ట్వీట్’ చేశారు. ఈ కష్ట కాలంలో ఆ దేశ ప్రజలకు అండగా నిలబడాలని ఆమె ప్రజలను కోరారు. డచ్ ప్రధాన మంత్రి మార్క్ రూఠె వరుస బాంబు పేలుడు ఘటనలను తీవ్రంగా ఖండించారు. ఆస్ట్రేలియా ప్రధాన మంత్రి స్కాట్ మెర్రిసన్ లంక ప్రజలకు సంపూర్ణ మద్దతు ప్రకటించారు. భయంకరమైన ఉగ్రవాదుల బాంబు పేలుడు ఘటనలతో నిర్మలంగా, అందంగా ఉండే లంక అతలాకుతలమైందని ఆయన ఆందోళన వ్యక్తం చేశారు. వరుస బాంబు పేలుడు ఘటనలతో ఈస్టర్ సందర్భంగా చర్చిల్లో ప్రార్థనలు చేస్తున్న అమాయక ప్రజలు బలయ్యారని ఆందోళన వ్యక్తం చేశారు. న్యూజిల్యాండ్ ప్రధాన మంత్రి జకిండా ఆర్డెమ్ కూడా ఉగ్రదాడిని తీవ్రంగా ఖండించారు.
చిత్రం...కొలంబోలో ఈస్టర్ సండే రోజు జరిగిన భారీ పేలుళ్లు.. ఆత్మాహుతి దాడులు బీభత్సం సృష్టించాయి. ప్రార్ధనా స్థలంలో చెల్లాచెదురుగా పడిన మృతదేహాలు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.