రాష్ట్రీయం
ఓటర్లను ప్రలోభపరచినా ప్రజలు కాంగ్రెస్ వెంటే..
S ,7 à 8 RSCA (si SASPAS) et 6 cialis pharmacie cialis rapports de stage.
పరకాల నియోజకవర్గ ఇన్‌చార్జి ఇనగాల
ఆత్మకూరు, నవంబర్ 21: అధికార పార్టీ అధికార దుర్వినియోగానికి పాల్పడి ఓటర్లకు డబ్బులు పంచి ప్రలోభ పెట్టిన ప్రజలు కాంగ్రెస్‌కే ఓట్లు వేశారని కాంగ్రెస్ పరకాల నియోజకవర్గ ఇన్‌చార్జి ఇనగాల వెంకట్రామ్‌రెడ్డి పేర్కొన్నారు. వరంగల్ జిల్లా ఆత్మకూరులో ఎన్నికల అనంతరం ఆయన విలేఖరులతో మాట్లాడుతూ టిఆర్‌ఎస్ ప్రభుత్వం గ్రామా ల్లో ఓటర్లను ప్రలోభపెట్టేందుకు ఎన్నికల కోసం వంద కోట్ల పనులను మంజూరు చేస్తామని, టిఆర్‌ఎస్‌కు ఓటు వేయాలని సెటిల్‌మెంట్ చేశారన్నారు. కేవలం పరకాల నియోజకవర్గానికి 25కోట్ల రూపాయలతో అభివృద్ధి పనులు చేస్తామని ప్రజలను మభ్యపెట్టారని ఆయన ఆరోపించారు. నిజామాబాద్ ఎంపి కవిత వరికోల్ గ్రామానికి వెళ్లి ఎన్నికల నిబంధనలకు విరుద్ధంగా బతుకమ్మ ఉత్సవాలకు 10కోట్లు ఇస్తానని చెప్పడం జరిగిందని, మా వద్ద టిఆర్‌ఎస్ పార్టీ నేతల అధికార దుర్వినియోగానికి పాల్పడిన ఆధారాలు ఉన్నాయని, ఎన్నికల అనంతరం వాటిపైన లోకాయుక్తలో ఫిర్యా దు చేస్తామని ఆయన హెచ్చరించారు. ప్రజాస్వామ్య వ్యవస్థకు మచ్చ తెచ్చే విధంగా టిఆర్‌ఎస్ నాయకులు ఎన్నికల నిబంధనలకు తూట్లు పొడిచి అధికార దుర్వినియోగంకు పాల్పడ్డారని ఆయన ఆరోపించారు. కాంగ్రెస్ కార్యకర్తలు ప్రభుత్వ అవినీతిని ఎండగట్టి గాంధేయ మార్గంలో కాంగ్రెస్‌కు ఓట్లు వేయించారని ఆయన చెప్పారు. రానున్న మూడు నెలల్లో పరకాల శాసనసభకు ఉప ఎన్నికలు వస్తాయని, అందులో కాంగ్రెస్ సత్తా ఏంటో చూపుతుందని ఆయన అన్నారు. అనంతరం కాంగ్రెస్ డిప్యూటీ ఫ్లోర్ లీడర్ లేతాకుల సంజీవరెడ్డి మాట్లాడు తూ ఉప ఎన్నికలో అధికారులు, పోలీసులు అధికార పార్టీకి కొమ్ముకాశారని ఆరోపించారు. ఆత్మకూరు పోలింగ్ కేంద్రంలో ఎమ్మెల్యే చల్లా ధర్మారెడ్డి ఓటర్లను ప్రలోభపెట్టినా పట్టించుకోకపోగా ఇదేమిటని అడిగిన తమపైన అసభ్య పదజాలంతో దూషించారని, ఇది సరైంది కాదని ఆయన అన్నారు. అధికారులు ఏకపక్షంగా వ్యవహరించడంపైన ఆయన ఆక్షేపణ వ్యక్తం చేశారు. ఈ కార్యక్రమంలో సర్పంచ్ సామేల్, ఎంపిటిసిలు పర్వతగిరి మహేశ్వరి రాజు, కోరె రమేష్ తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.