రాష్ట్రీయం
గొల్లపూడి మారుతీరావు కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ప్రముఖ రచయిత, నటుడు గొల్లపూడి మారుతీరావు ఈరోజు మధ్యాహ్నాం చెన్నై ఆసుపత్రి చికిత్స పొందుతూ కన్నుమూశారు. ఎనభై సంవత్సరాల గొల్లపూడి మారుతీరావు దాదాపు 250కి పైగా సినిమాల్లో నటించారు. 1939 ఏప్రిల్ 14 జన్మించిన గొల్లపూడి జన్మస్థలం విజయనగరం. తల్లిదండ్రులు అన్నపూర్ణ, సుబ్బారావులకు ఐదవ సంతానం. డిగ్రీ వరకు చదివిన గొల్లపూడి 13వ ఏటే ఆల్ ఇండియా రేడియోలో ఉద్యోగం సంపాదించారు. తదనంతర 14 ఏళ్లకే తొలి కథ ‘ఆశాజీవి’ రాశారు. బహుముఖ ప్రజ్ఞాశీలి అయిన గొల్లపూడి చాలామందికి నటుడిగానే తెలుసు. కాని ఆయన అనేక నవలలు, కథలు, నాటకాలు రాశారు. ప్రఖ్యాత దర్శకులు కె. విశ్వనాథ్ తొలి చిత్రం ఆత్మగౌరవం చిత్రానికి రచయితగా పనిచేశారు. డాక్టర్ చక్రవర్తి చిత్రానికి నంది పురస్కారం అందుకున్నారు. అలాగే ఇంట్లో రామయ్య-వీధిలో కృష్ణయ్య చిత్రంతో నటుడుగా ప్రవేశం చేశారు. సంపాదకునిగా జీవిత ప్రయాణం మొదలుపెట్టిన ఆయన మాటల రచయితగా చిత్ర పరిశ్రమలోనూ, వ్యాఖ్యాతగా టీవీ రంగంపైనా తనదైన ముద్ర వేశారు. ఆయన కుమారుడు గొల్లపూడి శ్రీనివాస్ పేరుతో ఫౌండేషన్‌ను ఏర్పాటుచేసి ప్రతి ఏటా ఆగస్టు 12న ఉత్తమ ప్రతిభ కనబరిచిన డెబ్యూ డైరక్టర్‌కు అవార్డును అందజేస్తున్నారు. డాక్టర్ మారుతీరావుకి మన దేశంలోనే కాకుండా విదేశాల్లోని పలు సాహీతి సంస్థలు ఆహ్వానించి పురస్కారాలను, అవార్డులను అందజేసి తమ అభిమానాన్ని చాటుకున్నాయి. డాక్టర్ చక్రవర్తి చిత్రానికి ఉత్తమ స్క్రీన్ ప్లే రచయితగా, ఆత్మగౌరవం చిత్రానికి ఉత్తమ రచయిత, కళ్లు సినిమాకు ఉత్తమ రచయిత, మాస్టారి కాపురం చిత్రానికి సంభాషణల రచయితగా పురస్కారాన్ని అందుకున్నారు. 2002లో రాజాలక్ష్మీ ఫౌండేషన్ పురస్కారాన్ని అందుకున్నారు. ఇంకా పలు సాహిత్య అవార్డులను ఆయన అందుకున్నారు. కాగా గొల్లపూడి మారుతీరావు నటించిన ఆఖరి చిత్రి జోడీ. డాక్టర్ మారుతీరావు మృతికి సంతాపం తెలియజేస్తూ సినీ రంగానికి చెందిన పలువురు నివాళులర్పించారు.
తెలుగు రాష్ట్రాల సీఎంలు సంతాపం
ప్రముఖ నటుడు, సాహీతీవేత్త గొల్లపూడి మారుతీరావు మృతికి ఉభయ తెలుగు రాష్ట్రాలకు చెందిన సీఎంలు కేసీఆర్, జగన్మోహన్ రెడ్డి సంతాపం తెలిపారు. తెలుగు సినిమా రంగానికి ఆయన చేసిన సేవలను సీఎం కేసీఆర్ కొనియాడారు. ఎన్నో పరిశోధనాత్మక రచనలు చేశారని, తెలుగు భాషాభివృద్ధికి ఆయన అందించిన సేవలు నిరుపమానం అని అన్నారు. ఏపీ సీఎం తన సంతాపం సందేశంలో గొల్లపూడి మృతి వల్ల తెలుగు సినీ పరిశ్రమ మంచి వ్యక్తిని కోల్పోయిందని అన్నారు. ఆయన కుటుంబ సభ్యులకు ప్రగాఢ సానుభూతిని తెలిపారు. ఏపీ ప్రతిపక్ష నాయకుడు చంద్రబాబు నాయుడు తన సంతాప సందేశంలో..మంచి నటుడు, రచయితను కోల్పోయామని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.