సమంత యు టర్న్!

తమిళ, తెలుగు భాషల్లో క్రేజీ హీరోయిన్‌గా గుర్తింపు తెచ్చుకున్న అందాల భామ సమంత పెళ్లి తరువాత కాస్త సెలెక్టివ్‌గా సినిమాలు చేసేందుకు సిద్ధమైంది. ఇప్పటికే ఆమె నటించిన సినిమాలు విడుదలై మంచి విజయాలను అందుకున్నాయి. తాజాగా ఓ కన్నడ చిత్రాన్ని రీమేక్ చేసేందుకు సిద్ధమైంది. కన్నడంలో సంచలన విజయం సాధించిన యు టర్న్ చిత్రాన్ని రీమేక్ చేయాలని, దానికి సంబంధించిన రీమేక్ హక్కులను కూడా తీసుకుంది. థ్రిల్లర్ అంశాలతో తెరకెక్కే ఈ చిత్రంతో సమంత నటిగా మరోకోణాన్ని చూపించేందుకు సిద్ధమైంది. ఒరిజినల్ వెర్షన్‌ను తెరకెక్కించిన పవన్‌కుమార్ దర్శకత్వంలోనే ఈ చిత్రం ఉంటుందని, వచ్చే నెలలో సెట్స్‌పైకి రానున్నదట. ఈ సినిమాపై సమంత భారీ ఆశలు పెట్టుకుంది. ఇప్పటివరకు గ్లామర్ హీరోయిన్‌గా వెలుగొందిన సమంత నటిగా తనను తాను ప్రూవ్ చేసుకోవడానికి సిద్ధమవుతోంది.