Others
నవ్వించే డాక్టర్యాక్టర్!
S ,7 à 8 RSCA (si SASPAS) et 6 cialis pharmacie cialis rapports de stage.
సహజంగా అందరూ డాక్టర్ కాబోయి యాక్టర్ అయ్యానంటుంటారు. ముందు -డాక్టరై ఆనక యాక్టరైన భద్రమ్ తాజాగా సినీ పరిశ్రమలో నవ్వులు పూయించే పనిలోవున్నాడు. ‘పెళ్లిలో జర భద్రమ్’ అన్న చిన్న వీడియో అతని భవిష్యత్తునే మార్చేసింది. మొదటినుండీ నటనపై ఆసక్తివున్న భద్రమ్ -ఆ వీడియోతో ముందు ఫేస్‌బుక్ ఫ్రెండ్స్ మన్ననలు అందుకున్నాడు. దాదాపు 50 లక్షల లైక్‌లు అందాయి. ఆ వీడియోతోనే దర్శకుడు పూరి జగన్నాథ్ దృష్టిలోపడ్డాడు. ఆయన దర్శకత్వంలో వచ్చిన ‘జ్యోతిలక్ష్మి’ చిత్రంలో బ్రోకర్ భద్రమ్‌గా నవ్వించాడు. గతంలో ఊహలు గుసగుసలాడే, రన్ రాజా రన్, సూర్య వర్సెస్ సూర్యలాంటి చిత్రాల్లో నటించినా రాని గుర్తింపు -బ్రోకర్ భద్రమ్‌తో వచ్చింది. ఆ తరువాత భలే భలే మగాడివోయ్ చిత్రంలో చేసిన ప్రేమికుడి పాత్ర మరింత గుర్తింపునిచ్చింది. బెస్ట్ కామెడీ యాక్టర్‌గా ఇంటర్నేషనల్ ఫిలిం అకాడమీ నిర్వహించే పోటీల్లో 2016కుగాను ఇప్పుడు నామినేటయ్యాడు. బ్రహ్మానందం, వెనె్నల కిశోర్, శ్రీనివాసరెడ్డిలతోపాటుగా బెస్ట్ కమెడియన్‌గా నామినేట్ అవ్వడం తన జీవితంలో గొప్ప విషయమని అంటున్నాడు. తూర్పు గోదావరి జిల్లా రాజమండ్రిలో పుట్టిన తాను చదువంతా బెంగళూరులోనే చదివానని, ఫిజియోథెరపి చేసిన తాను ఆక్యుపేషనల్ హెల్త్ అండ్ సేఫ్టీ విభాగంలో స్పెషలైజేషన్ చేశానన్నారు. గతంలో ఎటువంటి నాటకానుభవాలు లేకున్నా సన్నిహితులు చెప్పిన మాటలతోనే నటనవైపు వచ్చానని, తాను మాట్లాడుతుంటే ప్రతి భావం ముఖంలో పలుకుతుందని వారు చెప్పిన మాటలే తనకు బలాన్నిచ్చాయని చెబుతున్నాడు భద్రమ్. ప్రస్తుతం లోఫర్‌లో పనివాడిగా, లచ్చిందేవికి ఓ లెక్కుంది చిత్రంలో హీరో స్నేహితుడిగా నటిస్తున్నానని, ఈ రెండు పాత్రలతో మంచి గుర్తింపు వస్తుందని అంటున్నాడు. ఎలాంటి పాత్రలు ఇచ్చినా చేయగలనని, ముఖ్యంగా నవ్వించే ఏ పాత్ర ఇచ్చినా వందశాతం న్యాయం చేశాలా నటిస్తానని, డాక్టర్‌గా పేషెంట్లను, యాక్టర్‌గా ప్రేక్షుకులను నవ్విస్తూ వాళ్ల ఆరోగ్యాన్ని మెరుగుపర్చడమే తన ధ్యేయంగా చెబుతున్నాడు. అందుకే లాఫింగ్ డాక్టర్ అనే అంశంతో ఫిజికల్ స్ట్రెస్‌ను, మెంటల్ స్ట్రెస్‌ను పోగొట్టే నవ్వుల విందులు చేయడానికి సిద్ధమవుతున్నానని, నవ్వడం మర్చిపోయిన వారికోసం, వారి ఆరోగ్యాలు కాపాడడం కోసం ఈ లాఫింగ్ డాక్టర్ ప్రయత్నిస్తుందని ఆయన వివరించారు. నవ్వడం అనేది మనిషికున్న వరమని, ఆ వరాన్ని మర్చిపోయి నిరంతరం పనుల ఒత్తిడితో సతమతమయ్యేవారికి తన వంతు సాయం చేయడానికి ప్రయత్నిస్తానని, భవిష్యత్తులో మరిన్ని మంచి పాత్రలతో ప్రేక్షకులకు దగ్గర కావడమే తన లక్ష్యమని భద్రంగా చెబుతున్నాడు భద్రమ్!
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.