నేనెప్పుడూ ట్యూన్స్ కాపీకొట్టలేదు
S ,7 à 8 RSCA (si SASPAS) et 6 cialis pharmacie cialis rapports de stage.
తెలుగుతోపాటు తమిళంలో కూడా రాకింగ్ సంగీతంతో సంగీతప్రియులను అలరిస్తూ దూసుకుపోతున్నాడు యువ సంగీత సంచలనం దేవిశ్రీప్రసాద్. తను చేసిన సినిమాల పాటలన్నీ మ్యూజికల్ హిట్లుగా నిలిచేందుకు తపనపడే దేవి, చేసిన కుమారి 21 ఎఫ్ చిత్రం ఇటీవలే విడుదలై మంచి టాక్‌తో రన్ అవుతున్న సందర్భంగా దేవిశ్రీప్రసాద్ చెప్పిన విశేషాలు..
కుమారి రెస్పాన్స్ ఎలా వుంది?
మొదటినుంచీ ఈ సినిమాపై మంచి నమ్మకంతో వున్నాం. సుకుమార్, రత్నవేలు, నేను ఇలా ముగ్గురం కలిసి ఎంతో ఇష్టంతో చేసిన సినిమాకి ఇంత మంచి రెస్పాన్స్ రావడం ఆనందంగా ఉంది. ముఖ్యంగా మేము అనుకున్నట్టుగానే మంచి హిట్ అవడంతో మా నమ్మకం మరింత పెరిగింది.
కుమారిలో మిమ్మల్ని
బాగా ఆకట్టుకున్న అంశం?
నిజానికి కుమారి సినిమాకు సుకుమార్ అందించిన కథే హైలెట్. కథ వినగానే ఆయనెంత కొత్తగా ఆలోచిస్తాడో అర్థమైంది. ఇలాంటి ఒక బోల్డు కథ తెలుగు తెరపై రావడం, దానికి ప్రేక్షకులు కూడా ఆదరించడం విశేషమని చెప్పాలి. మంచి కథను చెప్పడానికి ఈ చిత్రంలోని పాటలు, బ్యాక్‌గ్రౌండ్ మ్యూజిక్ బాగా హెల్ప్ అయిందని చెప్పాలి.
మీకు పర్సనల్‌గా
ఎలాంటి కాంప్లిమెంట్స్ వస్తున్నాయి?
ఈ సినిమాకు బ్యాక్‌గ్రౌండ్ మ్యూజిక్ విషయంలో చాలామంచి కాంప్లిమెంట్స్ వస్తున్నాయి. ఇటీవలే ఎన్టీఆర్ ఫోన్ చేసి అభినందించారు. ఆయన ఇచ్చిన ఉత్సాహం అంతా ఇంతా కాదు. ఆ తరువాత మహేష్, రవితేజ, బన్నీ ఇలా అందరూ ఫోన్ చేసి అభినందిస్తున్నారు. నిజానికి ఈ క్రెడిట్ సుకుమార్‌దే.
ఈ సినిమాలో ఓ పాటకు కొరియోగ్రఫి కూడా చేశారని తెలిసింది?
అదంతా అనుకోకుండా జరిగిపోయింది. ట్యూన్స్ డిజైన్ చేసినపుడే కొన్ని మూవ్‌మెంట్స్ కూడా చెప్పాము. అది సుకుమార్‌కు, రత్నవేలుకు నచ్చడంతో పూర్తి కొరియోగ్రఫి చేయించారు.
దర్శకుడు సూర్యప్రతాప్ గురించి?
సూర్యప్రతాప్ రూపొందించిన ఈ చిత్రం ప్రేమకథల్లో కొత్త కోణాన్ని చూపించాడు. ముఖ్యంగా క్లైమాక్స్ సన్నివేశాల్ని అద్భుతంగా తెరకెక్కించాడు. ఎక్కడా కూడా ఎమోషన్ మిస్ అవ్వలేదు.
హీరో హీరోయిన్ల గురించి?
నిజంగా వారిద్దరూ ఈ పాత్రలకు కరెక్టుగా సూట్ అయ్యారు. సినిమా చూస్తుంటే ఇది నిజంగానే జరుగుతుందేమో అనిపించేలా చక్కని నటన కనబరిచారు.
పెద్ద సినిమాకు పనిచేసిన
మీరు చిన్న సినిమాలకు చేయడం ఎలా వుంది?
నిజం చెప్పాలంటే చిన్న సినిమాలకు నేనిచ్చిన పాటలు పెద్దసినిమాలకంటే కూడా పాపులర్ అయ్యాయి. ఇక్కడ చిన్నా పెద్ద సినిమా కాకుండా కథ నచ్చితేనే చేస్తా.
కాపీ ట్యూన్స్ ఎక్కువయ్యాయని విన్పిస్తోంది, దీని గురించి?
నేనైతే ఇప్పటివరకూ కాపీ కొట్టలేదు. మనం సంగీతం నేర్చుకొని కాపీకొడుతున్నామంటే మనం చేసే పనికి అర్థమే లేదని నా ఫీలింగ్. ఎక్కడైనా ఒక స్వరం కలిస్తే కలవొచ్చుకానీ, నేనెప్పుడూ వేరే ట్యూన్‌ను తీసుకోలేదు. నా దృష్టిలో కాపీ కొట్టడం పెద్ద నేరం.
ప్రస్తుతం చేస్తున్న సినిమాలు?
పవన్‌కళ్యాణ్ ‘సర్దార్ గబ్బర్‌సింగ్’, ఎన్టీఆర్ ‘నాన్నకు ప్రేమతో’ సినిమాలకు మ్యూజిక్ అందిస్తున్నాను.
ఖచ్చితంగా ఈ రెండు చిత్రాలు మ్యూజికల్ హిట్‌గా నిలుస్తాయి. గబ్బర్‌సింగ్ పాటల విషయంలో పవన్ చాలా ఎగ్జైట్ అయ్యారు.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..