బిజినెస్
ఊటీలో బీలైవ్ ఎలక్ట్రికల్ వాహనం
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, మార్చి 10: టూరిజం స్టార్ట్‌ప్ సంస్థ బీలైవ్ ఎలక్ట్రికల్ వాహనాలను ప్రవేశపెట్టడం ద్వారా ఈ రంగానికి కొత్త శోభలను తీసుకొస్తున్నది. అందు లో భాగంగానే ఇప్పుడు తమిళనాడుకు తన మార్కెట్‌ను విస్తరించింది. ఊటీలో విద్యుత్ వాహనాల ద్వారా పర్యాటక రంగానికి ఈ కంపెనీ ఊతమిస్తున్నది. ఎలక్ట్రికల్ బైక్‌లను ప్రయోగాత్మకంగా ప్రవేశపెట్టడం ద్వారా కర్బన కాలుష్యాన్ని తగ్గించే దిశగా మరో అడుగు ముందుకేసింది. గోవా, పాండిచ్ఛేరి, కర్నాటక, రాజస్థాన్, కేరళలో ఇప్పటికే ఈ-బైక్‌లను ప్రవేశపెట్టిన బీలైవ్ ఇప్పుడు ఊటీలోనూ పర్యావరణానికి ఎలాంటి హాని చేయని ఈ-బైక్‌లను అందుబాటులోకి తెచ్చింది. ఊటీని మరింత అందంగా, కాలుష్య రహితంగా తీర్చిదిద్దడంలో భాగంగానే తాము ఈ-బైక్‌ను ప్రవేశపెట్టామని కంపెనీ సహ వ్యవస్థాపకుడు సందీప్ ముఖర్జీ, సీఈశో సమర్థ్ కొల్కర్ ఒక సంయుక్త ప్రకటనలో పేర్కొన్నారు. 50 కిలోమీటర్ల పరిధిలో ఈ-బైక్స్‌పై తిరగవచ్చని, చార్జీ లు వాటికి అమర్చి ఉండే డిజిటల్ స్క్రీన్‌పై ఎప్పటికప్పుడు కనిపిస్తాయని వివరించారు. కాగా, ఈ- బైక్‌ల వాడకం వల్ల పర్యావరణ పరిరక్షణ సాధ్యమవుతుందని భారత జాతీయ కళలు, సాంస్కృతిక వారసత్వ ట్రస్టు కన్వీనర్ గీతా శ్రీనివాసన్ తమ ప్రకటనలో పేర్కొన్నారు. ఏటా ఊటీకి లక్షలాది మంది టూరిస్టులు వస్తుంటారని, వారికి ఈ-బైక్‌లను అం దుబాటులో ఉంచే ప్రయత్నం జరగడం ముదావహమని పేర్కొన్నారు. పర్యాటక కేంద్రాల్లో విద్యుత్ వాహనాల ఆవశ్యకత ఎంతైనా ఉందన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.