బిజినెస్
ఆశావహంగా మార్కెట్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 13: అమెరికా-చైనాల మధ్య వాణిజ్య ఒప్పందం కుదిరే అవకాశం ఉందన్న సంకేతాలతో సోమవారం భారత స్టాక్ మార్కెట్లు పుంజుకున్నాయి. టెక్నాలజీ, బ్యాంకింగ్, మెటల్ షేర్లపై మదుపుదార్లు దృష్టి సారించారు. మార్కెట్ సానుకూల సంకేతాలను అందిపుచ్చుకున్న సెనె్సక్స్ ఒక దశలో 300 పాయింట్ల వరకు పెరిగి అంతిమంగా లావాదేవీలు ముగిసే నాటికి 259.97 పాయింట్లు పెరిగి 41.859.69 పాయింట్ల వద్ద ముగిసింది. అలాగే నిఫ్టీ కూడా 72.75 పెరిగి 12 వేల 329.55 పాయింట్ల వద్ద ముగిసింది. వీటి లావాదేవీల్లో ఇన్పోసిస్ షేర్లు బాగా పుంజుకున్నాయి. ఈ సంస్థ నికర లాభం పెరిగిందన్న ప్రకటనల ఊపు నేటి లావాదేవీల్లో కనిపించింది. ఈ ఆశాజనక వాతావరణాన్ని ప్రతిభింభిస్తూ ఇన్ఫోసిస్ షేర్లు 4.76 శాతం మేర లాభపడ్డాయి. అలాగే ఇండస్ ఇండ్, భారతీ ఏయిర్‌టెల్, హెచ్‌యుఎల్, టాటాస్టీల్, పవర్ గ్రిడ్, టెక్-మహేంద్రా షేర్లు కూడా 3.34 శాతం మేరకు పుంజుకున్నాయి. అయితే టీసీఎస్, ఎస్‌బీఐ, బజాజ్ ఆటో, ఐసీఐసీఐ బ్యాంక్, ఆర్‌ఐఎల్, యాక్సిస్ బ్యాంక్‌ల షేర్లు 1.03 శాతం మేర నష్టపోయాయి. ఇన్పోసిస్ త్రైమాసిక ఫలితాలు దేశీయ సూక్ష్మ ఆర్థిక వ్యవస్థ పుంజుకుంటున్న సంకేతాలు అంతర్జాతీయంగా అనుకూల పరిస్థితులు మార్కెట్ సెంటిమెంట్‌కు మరింత బలాన్ని ఇచ్చాయని నిపుణులు భావిస్తున్నారు. 3 నెలల పాటు మందకోడిగా సాగిన పారిశ్రామిక ఉత్పత్తులు నవంబర్ నెలలో రికార్డు స్థాయిలో 1.8 శాతం వృద్ధిని సాధించింది. ముఖ్యంగా తయారీ రంగం ఇందుకు దోహదం చేసింది. ఈ వారంలో అమెరికా-చైనాల మధ్య వాణిజ్య ఒప్పందం కుదరబోతుందన్న సంకేతాలు అంతర్జాతీయంగా మార్కెట్లకు కొత్త ఉత్సాహాన్ని ఇచ్చాయి. ముఖ్యంగా అంతర్జాతీయ రాజకీయ, భౌగోళిక సుస్థిరత ప్రభావం దేశీయ మార్కెట్లపై బలంగా ప్రభావం చూపుతోంది. షాంఘై, హాంకాంగ్, సియోల్ మార్కెట్లు బలాన్ని పుంజుకుంటే, ఐరోపా మార్కెట్లు కూడా సానుకూల ధోరణితోనే ముగిశాయి. కాగా అమెరికా డాలర్‌తో పోలిస్తే భారత మారకమైన రూపాయి 70.82 శాతానికి చేరుకుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.