బిజినెస్
మోసపూరిత వాణిజ్యంపై ‘సెబీ’ కొరడా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 18: మోసపూరిత వాణిజ్యానికి పాల్పడిన ఆరు కంపెనీలపై కేపిటల్ మార్కెట్ల నియంత్రణ సంస్థ సెబీ సోమవారం రూ. 37.6 లక్షల జరిమానాలు విధించింది. వినాయక ఫిన్‌లీజ్ ప్రైవేటు లిమిటెడ్, హైటెక్ కెమికల్స్ హెరిటేజ్ లిమిటెడ్, గ్రాండ్‌గ్రిండ్ బార్టర్ ప్రైవేట్ లిమిటెడ్, టాప్‌లైట్ కమర్షియల్స్ లిమిటెడ్, వ్రింకిల్ మార్కెటింగ్ ప్రైవేట్ లిమిటెడ్‌లపై ఈ మేరకు సెబీ కొరడా ఝళిపించింది. ఒకే రోజు ఓ కంపెనీ లేదా వ్యాపారి ఒక కాంట్రాక్టులోని తన కొనుగోలు, లేదా విక్రయ స్థితిని రివర్స్ ట్రేడింగ్ ద్వారా ఒకే సమాన హోదాగల వ్యక్తికి వర్తింపజేయడం వంటివి ఇందులో చోటుచేసుకున్నాయని సెబీ ఈ సందర్భంగా పేర్కొంది. ఈ కంపెనీలు నిర్వహించిన రివర్సల్ వాణిజ్యం అసలైన వాణిజ్యవేత్తలతో జరగలేదని, అలాగే సాధారణ వాణిజ్య విధానాలకు తిలోదకాలిచ్చారని సెబీ వ్యాఖ్యానించింది. ఇందువల్ల అక్రమ, తప్పుదోవ పట్టించే వాణిజ్యం జరిగి కృత్రిమ వాల్యూమ్ రూపుదిద్దుకుందని వెల్లడించింది. స్టాక్ ఆప్షన్ల విభాగంలో 2014 ఏప్రిల్ నుంచి 2015 సెప్టెంబర్ వరకు సెబీ నిర్వహించిన విచారణ సందర్భంగా ఈ కంపెనీల రివర్సల్ ట్రేడింగ్‌లో భారీగా అవకతవకలు జరిగినట్టు రుజువైంది. ప్రధానంగా ‘మోసపూరిత, అనుచిత వాణిజ్య విధానాల నియంత్రణ చట్టం నిబంధనలను ఈ కంపెనీలు విస్మరించాయని సెబీ వ్యాఖ్యానించింది. ఈక్రమంలోనే గ్రాండ్‌గ్రింఢ్ బార్టర్ కంపెనీకి రూ. 10.5 లక్షలు, టాప్‌లైట్ కమర్షియల్స్‌కు రూ. 7.1 లక్షలు, మిగిలిన కంపెనీలకు రూ. 5లక్షల వంతున జరిమానా విధిస్తున్నట్టు సెబీ తన తీర్పులో పేర్కొంది. 45 రోజుల్లో ఈ జరిమానా మొత్తాన్ని చెల్లించకపోతే వడ్డీతో సహా వసూలుకు, స్థిర, చరాస్తుల విక్రయాల అటాచ్‌మెంట్‌కు చర్యలు చేపట్టాల్సి వస్తుందని సంబంధిత కంపెనీలను సెబీ హెచ్చరించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.