బిజినెస్
లాభాలతో బోణీ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 15: భారత స్టాక్ మార్కెట్ ఈవారం లావాదేవీలకు మొదటి రోజైన సోమవారం లాభాలతో బోణీ చేసింది. అటు బాంబే స్టాక్ ఎక్ఛ్సేంజ్ (బీఎస్‌ఈ)లో, ఇటు జాతీయ స్టాక్ ఎక్ఛ్సేంజ్ (ఎన్‌ఎస్‌ఈ)లో ట్రేడింగ్ లాభాలతో ముగిసింది. బీఎస్‌ఈ సూచీ సెనె్సక్స్ 138.73 పా యింట్లు పెరిగి, 38,905.84 పాయింట్లకు చేరింది. అదే విధంగా ఎన్‌ఎస్‌ఈలో నిఫ్టీ 46.90 పాయింట్లు పెరగడంతో, 11,690.35 పాయింట్లుగా నమోదైంది. గత ఆర్థిక సంవత్సరం చివరి త్రైమాసికంలో అద్భుత ఫలితాలు సాధించిన టీసీఎస్ షేర్లు 4.78 శాతం లాభపడ్డాయి. అయితే, అన్నిటికంటే అధికంగా టాటా మోటార్స్ లాభాలను ఆర్జించింది. ఆ కంపెనీ వాటాలు 7.04 శాతం అధిక ధరకు ట్రేడయ్యాయి. టీసీఎస్, టాటా మోటార్స్‌తోపాటు కోల్ ఇండియా, టాటా స్టీల్, హీరో మోటోకార్ప్, కోటక్ బ్యాంక్, హెచ్‌సీఎల్ టెక్, భారతి ఎయిర్‌టెల్, హెచ్‌డీఎఫ్‌సీ బ్యాంక్, బజాజ్ ఆటో, ఎన్‌టీపీసీ కంపెనీలకు చెందిన షేర్లు సగటున 4.78 శాతం లాభాలను ఆర్జించాయి. విదేశీ ద్రవ్య ఇన్‌ఫ్లో స్థిరంగా కొనసాగిన కారణంగా, ఆటో, ఐటీ రంగాలు మెరుగైన ఫలితాలను నమోదు చేశాయి. గత ఆర్థిక సంవత్సరం చివరి త్రైమాసికంలో 17.7 శాతం సంయుక్త వృద్ధిరేటును సాధించినట్టు టీసీఎస్ ప్రకటించింది. మొత్తం మీద రూ.8,126 కోట్ల లాభాలను ఆర్జించినట్టు కంపెనీ ఫలితాల ప్రకటనలో పేర్కొంది. దీనితో ఆ కంపెనీ షేర్ల ధరలకు రెక్కలొచ్చాయి. అయితే, టీసీఎస్‌కు గట్టిపోటీనిస్తున్న ఇన్ఫోసిస్ మాత్రం సోమవారం నాటి ట్రేడింగ్‌లో నష్టపోయిన కంపెనీల జాబితాలో మొదటి స్థానంలో నిలిచింది. ఆ కంపెనీ గత ఆర్థిక సంవత్సరంలో 10.5 శాతం అభివృద్ధిని, 4,078 కోట్ల రూపాయల లాభాలను ప్రకటించింది. అయితే, మదుపరులు ఎక్కువ లాభాలను ఆర్జించిన టీసీఎస్ వైపు మొగ్గు చూపాయి. దీనితో ఇన్ఫోసిస్ షేర్ల ధర 2.83 శాతం పతనమైంది. ఇన్ఫోసిస్‌తోపాటు సన్ ఫార్మా, ఎస్ బ్యాంక్, ఓఎన్‌జీసీ, ఏషియన్ పెయింట్స్, హెచ్‌డీఎఫ్‌సీ, ఐసీఐసీఐ బ్యాంక్, ఎల్ అండ్ టీ, ఐటీసీ, రిలయన్స్ ఇండస్ట్రీస్ లిమిటెడ్ (రిల్) షేర్లు నష్టాలను చవిచూశాయి. ఇలావుంటే, ఆసియాలో జపాన్, చైనా, కొరియా దేశాల్లో మార్కెట్లు మిశ్రమ ఫలితాలను నమోదు చేవాయి. యూకేలో జర్మనీ, ఫ్రాన్స్, దేశాల్లో ట్రేడింగ్ సానుకూల ధోరణుల మధ్య కొనసాగాయి. అంతర్జాతీయ సూచీలు, దేశీయ సంస్థాగత పెట్టుబడిదారుల మద్దతుతో ఎన్‌ఎస్‌ఈలో నిఫ్టీ కూడా లాభపడింది. అంతర్జాతీయ మార్కెట్‌ను స్థూలంగా పరిశీలిస్తే, భారీ లాభాలుగానీ, భారీ నష్టాలుగానీ లేకుండా ఫ్లాట్‌గానే ముగిసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.