బిజినెస్
9 నెలల్లో లక్ష కోట్లు పెరిగాయ్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: ప్రభుత్వరంగ బ్యాంకుల మొండి బకాయిలు ఈ ఆర్థిక సంవత్సరం (2015-16) తొలి తొమ్మిది నెలల్లో (ఏప్రిల్-డిసెంబర్) దాదాపు లక్ష కోట్ల రూపాయలు పెరిగాయని కేంద్ర ఆర్థిక శాఖ మంత్రి అరుణ్ జైట్లీ చెప్పారు. ప్రభుత్వరంగ బ్యాంకుల నిరర్థక ఆస్తులు 2015 మార్చి నాటికి 5.43 శాతంగా ఉంటే, డిసెంబర్ నాటికి 7.30 శాతానికి చేరాయన్నారు. ఈ మేరకు మంగళవారం రాజ్యసభకు ఓ లిఖితపూర్వక సమాధానంగా జైట్లి తెలిపారు. మార్చిలో 2,67,065 లక్షల కోట్ల రూపాయలుగా ఉంటే, డిసెంబర్‌కు 3,61,731 లక్షల కోట్ల రూపాయలకు ఎగిశాయని పేర్కొన్నారు. అంటే ఈ తొమ్మిది నెలల్లో 94,666 కోట్ల రూపాయల మొండి బకాయిలు అధికమయ్యాయని వివరించారు. ప్రభుత్వరంగ బ్యాంకుల్లో అంతకంతకూ పెరిగిపోతున్న మొండి బకాయిలపై సర్వత్రా ఆందోళన వ్యక్తమవుతున్నది తెలిసిందే.
మెరుగుపడుతున్న జిడిపి వృద్ధి
ఈ ఆర్థిక సంవత్సరం (2015-16)లో దేశ జిడిపి వృద్ధిరేటు 7.6 శాతానికి పెరుగుతుందన్న విశ్వాసాన్ని జైట్లీ వ్యక్తం చేశారు. గత ఆర్థిక సంవత్సరం (2014-15)లో వృద్ధిరేటు 7.2 శాతంగా నమోదైతే, అంతకుముందు ఆర్థిక సంవత్సరం (2013-14)లో 6.6 శాతానికే పరిమితమైంది. ఈ నేపథ్యంలో భారత ఆర్థిక వృద్ధిరేటు మెరుగుపడుతోందని, 2015-16 జిడిపి వృద్ధి 7.6 శాతంగా ఉండొచ్చని జైట్లీ అంచనా వేశారు. ఈ మేరకు రాజ్యసభకు ఓ లిఖితపూర్వక సమాధానంగా జైట్లీ తెలిపారు. ప్రస్తుత ప్రపంచ ఆర్థిక మాంద్యంలో భారత ఆర్థిక వ్యవస్థ పరిస్థితి ఏమిటీ? అన్నదానిపై జైట్లీ పైవిధంగా స్పందించారు.
chitram...
రాజ్యసభలో మాట్లాడుతున్న అరుణ్ జైట్లీ
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.