S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకృష్ణ లీలారింఛోళి
నందుని నోముల పంట
నందుని నోముపంట, సురనందన సుందరకల్పశాఖి, ఆ
నందపు కందుకంబు, కననాయదుశంపుసాంధ్ర కీర్తి మా
బంధుర మానసుండు, మునివందిత శ్రీచరణార విందుడున్
స్యందన మందు వచ్చె మన జన్మము పండగ రాజధానికిన్
అక్రూరుడు
ఒకడె వచ్చినాడు ఒక్కడే వెడకల
ప్రాణమిత్రుడైన వేణు ధరుని
వెంట బెట్టుకొనియు వెడలెడు నీతడ
క్రూరుడసలుగాడు , క్రూరుడేను
అక్రూర వరద గోవింద
ఏను కంసుని పనుపున నేగుచుంటి
శౌరి ఏమనునో ? యంచు సంశయించి
కుందుచున్ తన్ను జేరు నక్రూరుగాంచి
కౌగిలించిన వనమాలి కంజలింతు
అపూర్వ పుణ్యరాశి
ఆ.వె. పరుల కొసగువేళ పరమేశ్వరార్పణ
మనియు తలచుచుందు రఖిల జనులు
భక్ష్యముల నిజముగ పరమాత్ముడు భుజింప
అబ్బు పుణ్యనరయ దరమె
వేణు గానం - లేడికూన
తే.గీ. అమృతని భవేణు నాదమ్ము నాలకించి
చెంగు చెంగున నెగురుసారంగతతులు
కన్ను లానంత జలధులై గాలుచుంట
మేత మేయుట మరిచియు మెలగుచుండె
మంగళహారతి!మారుూ! సరస్వతీ !
మంగళ దేవత ! జ్ఞాన సరస్వతి!
హేగీర్వాణీ ! జ్ఞానదాయినీ!
చదువుల రాణీ!శ్రీ రమారమణి
జయములనిచ్చే శ్రీకాళి
భక్తి భావన లేని ఈ బ్రతుకు మాట
ఎండకాలమునందుక ఎడారుల బాట
గుండెనే గుడిసేసి కొలిచేను తల్లీ
నిదురింప రావె ఓ నిగమంతవేద్య!
రాగభోగములన్ని రంగులేనంట
ఆణిముథ్యమువోలె ఆత్మ నిర్మల మంట
ఆత్మలో ఆత్మవై పరమాత్మగా నిలిచి
శయనించవే తల్లి శంకరుని రాణి
ఎడద దీపమ్మింక కొడిగట్టచున్నది
మసక చీకటి నాత్మ పరుగు పడిపోయింది
నీ చీరణ కమలా నిర్నిద్రకాంత
స్థాణండు నీ తండ్రి శ్రమపెట్టలేను
ధ్యానమే ఆ దొరకు అన్ని కాలాలు
అందువా మాయమ్మ ఔను నిజమమ్మ
అందుకేనే అన్ని శమ్రలమ్మ నీకు
దేవతల కష్టాలె దీర్చినావంట
మానవులపైననా మాగన్ను నీకు
తల్లి ప్రేమకు తారతమ్యాలు కలవె
దీన మానవుల తీరిచి దిద్దరావె
ఉ. వాయు వశంబునన్ జలధి వారికణమ్ములలోన బుట్టి త
ద్వాయువశంబునన్ విపుల వారధిలోన బుడుంగునన్ క్షణ
ప్రాయములో నశించు నచిరమ్మగు నీటి బుడంగ వోలె నీ
యాయువు ప్రాణ వాయువులు నంతము బొందు గదమ్మ ఈశ్వరీ!
మ. భవచక్రమ్మది దిద్దరన్ దిరుగ విశ్వమ్మందు జీవుండనై
భవబంధమ్ముల చేత కట్టువడి విభ్రాంతుండవై విశ్వసం
భవ కర్మమ్ము నెరుంగలేక నొక బ్రహ్మాండాండ మందుండి శై
శవ లీలన్ గనులార్పు పక్షివలె నీ సంసారమున్ జూచితిన్