S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకృష్ణ లీలారింఛోళి
తే.గీ. అప్పగింతురు పిల్లల నాయలకును
గాస్త పెరిగిన హాస్టళ్ల కప్పగింత్రు
ఎటుల ఁ బుట్టును ప్రేమల వెంతగానొ?
చూడుమో కర్మసాక్షి! యో సూర్యదేవ!
తే.గీ. కాసుకంటికిఁ గన్పట్టఁ గన్నుఁ జెదరి
విలువలన్నియు ఁ బ్రక్కకుఁ బెట్టి దాని
నందుకొనుకటకు ఁజేతురే యత్నములనుఁ
జూడుమో కర్మసాక్షి! యో సూర్యదేవ!
తే.గీ. విలువలీనాడు వేషభూషలకుఁ గాని
చదువరులకుండవే చూడజగతిలోన
చదువరులు చవటల చెంత నొదిగియుండు
కాలమే తెంచెఁ జోద్యంబు ఁ గాక యేమి?
చూడుమో కర్మసాక్షి! యో సూర్యదేవ!
తే.గీ. అన్నదాతల కాశ్రయమవని లేదు
కూడువెట్టెడి వానికి ఁ గూడు లేదు
పడుదురే యష్టకష్టాల కడలులందుఁ
జూడుమో కర్మసాక్షి! యో సూర్యదేవ!
తే.గీ. కీడు సేయంగ వెనుకాడఁ బోడు గాంచ
మేలు సేయని వాడెపో మేటి గాంచ
గేలిసేయంగ ముందునకేగుఁ గాంచఁ
జూడుమో కర్మసాక్షి! యో సూర్యదేవ!
తే.గీ. కష్టపడకుండ పలితమ్ము గాంచఁ దలచి
వక్రమార్గాలఁ ద్రొక్కెడి వారితోడఁ
బృథ్వి బీటలు వెక్కసముగఁ
జూడుమో కర్మసాక్షి ! యో సూర్యదేవ!
తే.గీ. అకట! కుంకుళ్ళు వోయె పీడకల నిజము
చేయుటకును రసా లేవొ శీఘ్రగతిన
రాగ కేశంబులూడుచు రాలుచుండె
చూడుమో కర్మసాక్షి! యో సూర్యదేవ!
తే.గీ. బ్రహ్మచర్యంపు దీక్షలు భంగపడియె
హా! గృహస్థాశ్రమపు ధర్మమంతమొందె
వానప్రస్థాశ్రమంబది కాన కేగె
కడపటాశ్రమ ధర్మంబు కానరాదు
చూడుమో కర్మసాక్షి! యో సూర్యదేవ!
తే.గీ. మంచివానికి స్థానమ్ము మహిన లేదు
వానినసమర్థుడని యెంచి బహు విధాల ఁ
జుల్కనగఁ బల్కు వారెలచ్చోట ఁ గనిన ఁ
జూడుమో కర్మసాక్షి! యో సూర్యదేవ!
తే.గీ. బిల్వపత్రాలతో నిన్నుఁ బిలిచినంత
జలములనుఁబోసి ఘనముగ స్వాగతింప
అష్టసంపదలొసగు మహానుభావ!
పాహిమాం పరమేశ్వరా! పార్వతీశ!