S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకృష్ణ లీలారింఛోళి
తే.గీ. చిన్ని వర్తకులనుఁ జేరి చెడ్డబేర
మాడి పోదుదుకొసరుచుఁజూడఁ బెద్ద
వారలు స్టారు హోటళ్లఁ బడి మరలుచు
టిప్పులను వేతురే రాచఠీవి తోడఁ
జూడుమో కర్మసాక్షి! యో సూర్యదేవ!
తే.గీ. లబ్ధిఁ బొందంగ వలెనని లాంచినంత
నింపుకుంటిరి యదికాస్త నీటమునిగి
తిరిగి రానట్టి లోకాలకరిగిపోతి
రేమి యానమ్ము మరణాలకేమి కొరత?
చూడుమో కర్మసాక్షి! యో సూర్యదేవ!
తే.గీ. పిల్లలను పడుకోబెట్టువేళలోనఁ
వారి చెంతకుఁ జెప్పంగఁ బలురకాల
నీతికథలనుఁ జెప్పంగ నేర్వకున్న
నెంత యార్జించి ఫలమేమి?యెంతలైనఁ
జూడుమో కర్మసాక్షి! యో సూర్యదేవ!
తే.గీ. పెండ్లి కాగానె పెండ్లాము బెల్లమగుచుఁ
దల్లిదండ్రులు చేదగుఁ దలువనేడు
వారలిచ్చిన జన్మ సఫలత నొంద
కున్న పురుగులేయెన్నంగ మిన్న సుమ్మి
చూడుమో కర్మసాక్షి! యో సూర్యదేవ!
తే.గీ పెద్దలున్నట్టి వేళలో వినయమతిగఁ
జూపి లేనట్టివేళలో ఁ జూడ ఁ గొంద
రెచ్చటిచటికో పోదురే! విచ్చల విడి
జూడుమో కర్మసాక్షి! యో సూర్యదేవ!
తే.గీ. తన విషయములు గుట్టుగ దాచి యుంచి
కూపి లాగుదురితరుల నోపఁ బోరు
వారి దరిఁ జేరు వారి ఁ గాపాడు మర్క
చూడుమో కర్మసాక్షి! యో సూర్యదేవ!
తే.గీ. మనము కారణ జన్ములమని యెఱింగి
మసలుకొనరేల మనుజులు మహిన తమను
తామెఱుగరాయె ఁ జేతురే తప్పిదములు
చూడుమో కర్మసాక్షి! యో సూర్యదేవ!
తే.గీ. కూడ రావేవి సొమ్ములు గూలు వేళఁ
దోడు రారెవ్వరవ్వేళ ఁ దొలగిపోవుఁ
బాపపుణ్యాలు మాత్రమే వచ్చుననియుఁ
చూడుమో కర్మసాక్షి! యో సూర్యదేవ!
తే.గీ. అద్దెయిండ్లలో బ్రతుకుల దిద్దుకొనుచు
లాగుచుంబీకుచెన్నియో వేగువారు
పిల్లి తన పిల్లలను మార్చువిధము దోచెఁ
జూడుమో కర్మసాక్షి! యో సూర్యదేవ!
తే.గీ. కట్టుకున్నటి వస్త్రాల ఁగాంచి విలువ
లిచ్చు చున్నారు చోద్యమ్ము మచ్చుకైన
లోన సుగుణాల ఁ జూడరీలోకమందుఁ
జూడుమో కర్మసాక్షి! యో సూర్యదేవ!