S ,7 à 8 RSCA (si SASPAS) et 6 cialis pharmacie cialis rapports de stage.

శ్రీకృష్ణ లీలారింఛోళి

11/12/2019 - 19:03

తే.గీ. కాయమునుఁ గదల్పగఁబోరుకాస్తయైన
నెటులు గరుగును క్రొవ్వులు నేటికాల
మందునంతట స్థూలకాయాలు గాంచ
పొట్టయన్నది రోగాల పుట్టగాద?
చూడుమో కర్మసాక్షి! యో సూర్యదేవ!

11/11/2019 - 19:01

తే.గీ జీవితపు బండ్లు నడుపంగఁ జేవఁ జూప
వలయు నైరాశ్యమొందంగ వలదు శిశిర
మది మరలిపోవ మధుమాసమాగమించు
నపుడు నానంద భాగ్యమ్మునందగలరు
చూడుమో కర్మసాక్షి! యో సూర్యదేవా!

11/08/2019 - 19:48

తే.గీ. ఏది కార్యమేదియ కార్యమేమి ఁ దలుపఁ
బోకనిచ్చవచ్చిన రీతిఁ బోవు వారి
పుట్టుకకు నర్థమే లేదు పుణ్యభూమిఁ
జూడుమో కర్మసాక్షి! యో సూర్యదేవ!

భావం: ఏది చేయదగిన పనో, ఏది చేయకూడని పనో ఏమాత్రం ఆలోచించకుండా తమకు తోచిన విధంగా ఇష్టం వచ్చినట్లుగా ప్రవర్తించేవారి పుట్టుకకు ఈ పుణ్యభూమలో అర్థమేలేదని కర్మసాక్షివైన ఓ సూర్యదేవా! ఈ లోకానికి ప్రబోధించవయ్య!

11/07/2019 - 19:23

తే.గీ. పుడమిపై సంచరించెడి పుణ్యదేవ
తలు గనంగను స్ర్తిలంచుఁ దలుపవలయు;
వారినిన్ గౌరవించెడి వారియింట
శాంతిసౌఖ్యాల సాఫల్య సారమలరుఁ
జూడుమో కర్మసాక్షి! యో సూర్యదేవ!

భావం: ఈ పుణ్యభూమిపై సంచరించే దేవతాంగనలు స్ర్తిలనే భావన కల్గి యుండాలి. అలాంటి పుణ్య దేవతలను గౌరవించే వారి యింట సుఖశాంతులు చోటు చేసుకొంటాయన్న సత్యాన్ని కర్మసాక్షివైన ఓ సూర్యదేవా! ప్రబోధించవయ్యా స్వామీ.

11/06/2019 - 20:18

తే.గీ. ముందువెనుకలు యోచించి యెందునైనఁ
బద్ధతినిఁ దప్పకుండిన ఫలముగల్గు
లక్ష్య పెట్టనిచోఁ జిక్కుల ధికమగును
చూడుమో కర్మసాక్షి!యోసూర్యదేవ!

11/05/2019 - 19:50

తే.గీ. కనగ ఁ జేదోడు వాదోడుగను జనాళి
మెలగవలెనుర్విలో సదా మించుబంధ
ముల్లుకొనుచును మెలగంగనవనిమురియుఁ
జూడుమో కర్మసాక్షి! యో సూర్యదేవ!

భావం: జనులంతా ఒకరికొకరు చేదోడు వాదోడుగా ఉంటూ పవిత్రమైన ప్రకాశవంతమైన బంధాన్ని పరస్పరం అల్లుకుంటూ నడచుకుంటున్న పక్షంలో అవనితల్లి ఎంతగానో మురిసిపోతుందని కర్మసాక్షివైన ఓ సూర్యదేవా! ఈలోకానికి ప్రబోధించవయ్యా స్వామీ.

11/04/2019 - 19:44

తే.గీ. స్వచ్ఛ మైనట్టి సౌజన్య భావవీచి
కలిల సర్వత్ర సువ్యాప్తిఁ గాంచవలయు
నందరానంద ముప్పొంగ నాట్యమాడు
నటుల నడుగులు గదుపంగ నలరుఁబృథి
చూడుమో కర్మసాక్షి! యో సూర్యదేవ!

11/01/2019 - 19:45

తే.గీ. లలిత భావాలు రవళింప రమ్యమైన
జీవితాలనుఁ బంపించుకోవలయును
ఆత్మహత్యలకుంబూనుటఘము గాంచఁ
జూడుమో కర్మసాక్షి! యో సూర్యదేవ!

10/31/2019 - 19:06

తే,గీ. కట్టెదుట యొక మాటయుఁ గాంచ వెనుక
నొక్కమాటయు మాడాడునొకడు సూడ
ముక్కు సూటిగ మాటాడులెక్క నేయఁ
బోడు వెరొకడతగాడెపో హితుండు
చూడుమో కర్మసాక్షి! యో సూర్యదేవ!

10/30/2019 - 19:12

తే.గీ. నిఖిల జగతిన లేడులే నిన్ను మించు
వాడు కనుగొనవేలకో భరతవీర
ఘోరములు సహియింపకీ కువలయానఁ
జూడుమో కర్మసాక్షి! యో సూర్యదేవ!

Pages