ఏది మంచో ఏది చెడో తెలుసుకోలేని యుక్తవయసు ప్రారంభ దశలో వున్న విద్యార్థినులను అవకాశం చూసి కాటేయడానికి మేక తోలు కప్పుకున్న పులుల్లా వ్యవహరిస్తూ ప్రేమ, స్నేహం అంటూ బాలికలు నయవంచకుల వలలో చిక్కుకొని విలువైన జీవితాలను నాశనం చేసుకుంటున్న దృశ్యాలు నిత్యం అనేక ఛానళ్ళలో తిలకిస్తున్నాం, అనునిత్యం దినపత్రికల్లో పతాక శీర్షికల్లో చదువుతూనే ఉన్నాము.

‘‘మంచి ఉపాధ్యాయుడు సామాజిక వైద్యుడు’’ అని అంటారు. ఎగిరే గాలిపటానికి ఆధారం దారం ఎలాగో విద్యార్థులకు నైతిక విలువలు నేర్పే గురువు అలాంటివాడు. విద్యార్థులను సన్మార్గంలో నడిపించే గురువుఆదర్శ సమాజ నిర్మాతగా మనగలుగుతాడు. పసి మనసులో గురువునాటే బీజాలే వారిని ఉన్నతులుగా తీర్చిదిద్దుతుంది. దీనిని ఆచరణలో చేసి చూపెట్టారు హానాను అల్ హ్రాబ్.

ఉగ్రవాదం, శాంతి భద్రతల సమస్యకు నెలవైన జమ్ము-కాశ్మీర్‌లోని దోడా జిల్లాలో నిరుపేద పిల్లలను విద్యావంతులను చేయడానికి కంకణబద్ధురాలై ఆమె నిర్విఘ్నంగా అక్షర యజ్ఞం చేస్తోంది. బెంగళూరులో మంచి జీతభత్యాలున్న ఉద్యోగాన్ని వదులుకుని సబహ్ హాజీ (30) తన సొంత ఊరైన బ్రెస్వానాకు చేతనైనంత సాయం చేద్దామని దీక్ష వహించింది. అక్షర కాంతులు ప్రసరిస్తేనే పల్లెలు ప్రగతి దారిలో పయనిస్తాయని ఆమె నిరూపించింది.

అనాథాశ్రమాల్లో జీవిత చరమాంకాన్ని గడుపుతున్న వృద్ధ వితంతువులు తొలిసారిగా ఆలయ ప్రాంగణంలో హోలీ వేడుకల్లో పాల్గొని ఆనందోత్సాహాలను పంచుకున్నారు. శతాబ్దాల తరబడి కొనసాగుతున్న మతపరమైన కట్టుబాట్లను ఛేదించి, హోలీ నాడు వేలాదిమంది వితంతువులు బృందావనం (యుపి)లోని గోపీనాథ ఆలయంలో రంగులు చల్లుకుని సంబరాలు చేసుకున్నారు.