S ,7 à 8 RSCA (si SASPAS) et 6 cialis pharmacie cialis rapports de stage.

Others

06/25/2018 - 05:27

దుఃఖపు చెట్టు కింద
ఒక్కడివే అలా కుమిలిపోతావేం?
శోకపు నుడిగాలికి
ఒంటరి ఈతచెట్టులా అల్లాడిపోతావేం?
నిరాశాలోయల్లో
ఒంటరి గబ్బిలమై అలా సంచరిస్తావేం?
తలా యంత వడపప్పు పంచినట్టు
బాధనో గాథనో పంచుకో
మనిషితోనో.. మానుతోనో!

06/25/2018 - 05:22

చచ్చింది మాత్రం వాస్తవం
భార్యా ఇద్దరు పిల్లల్ని
ఎటూ కాకుంట చేసే
మరణించింది మాత్రం నిజం

అతుకుల సంసారం
గతుకుల తొవ్వ
ఒక్కోసారి తట్టుకొని బోర్లాపడుడు
అప్పుడే లేచి దులుపుకొని నడిసుడు

పొద్దటిది పొట్టకు
మాపటిది బట్టకు
బీడీలు ఎన్ని చేసినా
సాంచాలు ఎంత నడిపినా
బతుక్కు బీడీలు మరింత బిగ్గితైతున్నయ్

06/18/2018 - 00:18

పువ్వుల్ని చూడగానే
మహాత్ములు గుర్తుకొస్తారు నాకు
బాగున్నావా అని ఆప్యాయంగా వారు
పలకరిస్తున్నట్లుంటుంది నా మనసుకు
అయ్యో, నేనెప్పుడైనా ఈ దేశానికి
కాస్త పరిమళం పంచానా అని దిగులుపడుతుంటాను
పరిమళాల మాట అట్లా ఉంచితే
దేశానికీ నేనంటించిన మురికి గురించి సిగ్గుపడుతుంటాను...

06/18/2018 - 00:16

మనిషిగా పుట్టి
మట్టిమీద పాదం మోపి
కులాల కుంపటిలో కుమిలి కుమిలి
కన్నీటి సంద్రంలో తడిసి తడిసి
వెక్కిరిస్తున్న లోకాన్ని చూసి

06/18/2018 - 00:14

వొళ్ళు విరుచుకుంటున్న
నాల్గు గోడల మధ్య
వేలాడుతున్న శూన్యాన్ని
ఒంటరిగా తెరిచిన కళ్ళతో చూశాను.

06/18/2018 - 00:10

పసిపాప నవ్వింది
పుప్పొడి రాలింది

లేత పెదవి విచ్చింది
పాలోసుకుని వరికంకి పొంగింది

చిట్టిచిట్టి చేతులతో మబ్బుల్ని నిమిరింది
నీటి తడి నేలను తడిమింది

నింగి ఇంద్రధనస్సునెక్కుపెట్టింది
బోసి నోరు తొలి శబ్దం విడిచింది

నెలబాలుడికి అరికాలు తాటించింది
వెనె్నలసోన సొగలిడిచి సోలిపోయంది

06/10/2018 - 22:02

ఉద్విగ్న కెరటాలు ఎగసే వేళ
అలలు రాస్తున్న లేఖ ఇది
సంద్రం ఒక నీలి కాగితం
మది వూహల మధురోహల
సమ్మోహన కావ్యం
నిశిరాత్రుల కడలి చెలియలి
కట్టతో చెలరేగిన తతంగం
అప్పుడే విచ్చిన చంద్రుడి పువ్వులోని
పుప్పొడి సిరాతో రాసిన లేఖ
అనుభవాల, భావాల ఏరువాక
ఆలోచనల తరంగాలు నింగిని
తాకుతూ, నీటి పాదముల చెంత
లేఖలు పరిచింది.

06/10/2018 - 22:00

ప్రతిరోజూ
ఓ సరికొత్త పేజీనే
క్షణానికో ప్రశ్నోదయం
అక్షరాల్లేని పుస్తకాల్లో
సమాధానాల కోసం వెతుకులాట
అనుభవాల కలం
అనుభూతుల గతాన్ని లిఖిస్తుంది
మార్కుల్లేవు కానీ
నిమిషానికో పరీక్ష
అలుపెరుగని నిత్య సాధన
అంతులేని సత్యశోధన
వర్తమానపు గొంతుతో
వల్లె వేస్తూనే వుండాలి
మానిన గాయాల అడుగుజాడల్ని
అతిక్రమిస్తే విరుగుతుంది

06/10/2018 - 21:58

కవిసంధ్య, స్ఫూర్తి సాహితీ సంయుక్త నిర్వహణలో సురేంద్ర దేవ్ చెల్లి కవితా సంపుటి ‘నడిచే దారిలో...’ ఆవిష్కరణ జూన్ 16వ తేదీ సాయంత్రం 6 గంటలకు యానాం, అంబేద్కర్ నగర్ కమ్యూనిటీ హాల్‌లో జరుగుతుందని కవిసంధ్య సాహితీ సాంస్కృతిక సంస్థ ఒక ప్రకటనలో తెలిపింది. కవిసంధ్య సంపాదకులు డా. శిఖామణి అధ్యక్షతన జరిగే సభలో పుదుచ్చేరి ఆరోగ్య శాఖ మంత్రి మల్లాడి కృష్ణారావు ముఖ్య అతిథిగా హాజరై గ్రంథాన్ని ఆవిష్కరిస్తారు.

06/10/2018 - 21:58

దారి పొడవునా అడుగుతూ వున్నా
పక్షుల్నీ, బోధి వృక్షాల్నీ, నక్షత్రాల్నీ
సమాధానం లేదు
దొరికినవన్నీ చదువుతూ వున్నా
కావ్యఖండాల్నీ, ప్రబంధాల్నీ, ఉద్గ్రంథాల్నీ
సందేహం తీరలేదు
ధ్యానంలో, అధ్యయనంలో, ప్రయాణంలో
తెలియలేదు ప్రేమంటే...
రెప్పపాటులో తెలిసింది
నన్ను చూసిన మరుక్షణమే
విప్పారిన నీ కనుపాపలను చూసినంత

Pages