ప్రార్థన
నీకు భగవాన్‌ను ఏదయినా అడగాలనిపిస్తే ఇలా చేయి: ‘‘ఓ భగవాన్! నన్ను ఆరోగ్యంగా, హాయిగా, మంచిగా, చురుగ్గా వుంచు. ఇదిగో, యిలా జరిగితే నాకు సుఖసంతోషాలు కలుగుతాయని నేననుకుంటున్నాను. నేననుకుంటున్నది సరిఅయితే అనుగ్రహించు. కాదనుకుంటే నాకు ఏది మంచిదో దానే్న యివ్వు’’అని ప్రార్థించు. భగవంతుడు భక్తుని ఎప్పుడూ వదిలిపెట్టడు. నీ బాగూ ఓగూ ఆయనే చూసుకుంటాడు.
పాత్రకొద్దీ జలం

హృదయ పుష్పం
ఇక్కడినుండి నీవు వెళ్లవలసింది ఆత్మ విచారం వేపే. అదే నిజమైన అర్చన. మీరు తెచ్చే పూలూ, పండ్లూ నాకెందుకు? అవి వాడి వత్తలైపోతాయి. వసివాడనిది నీ హృదయ పుష్పం. భగవాన్ కోరేదదే. నీవు చిత్తశుద్ధితో, భక్తితో, సౌశీల్యంతో పూయించే ఆ పుష్పాన్ని సమర్పించు. కరుణ, త్యాగం, సేవ అనే ఫలాలను అర్పించు.

సనాతన సంస్కృతి
విదేశీయ దుస్తులు, ఫ్యాషన్లు, అభిరుచులంటే ఈనాడు మోజు జాస్తిగా వుంది. దిగుమతి చేసికొన్న ఆదర్శాలను చిలకపలుకుల్లా వల్లించటం ఎక్కువయింది. యువత మంచేదో, చెడేదో తెలుసుకోలేక, ఈ వ్యామోహంలో కొట్టుకొనిపోతూ వున్నది. ఇవన్నీ మన సంస్కృతిలో ఇమిడేవి కావు. ఈ దేశపు సంస్కృతి సనాతన ధర్మంపై నిలచివుంది.

త్యాగంవల్లనే అమృతత్వం
నీవు కూడబెట్టిన సంపద నీది కాదు. నీవు నలుగురితోనూ పంచుకొనేదే నీది. సంపదను నీవు దాచుకోనవసరం లేదు. పదిమందికీ ఉపయోగపడేలా చేయవచ్చు. అప్పుడే సంపదకు శోభ. అందుకే ఉపనిషత్తులు: ‘త్యాగేనైకే అమృతత్వ మానశుః’ -త్యాగం చేతనే అమృతత్వం చేకూరుతుంది. (కాని, సంతానంవల్లా సంపదలవల్లా కాదు)- అని ఘోషిస్తున్నాయి.
తస్మాత్ జాగ్రత్త!