హైదరాబాద్ సిటీలో మిగతా జనాల మాట ఎలా ఉన్నా, వ్యాపారస్తులకి విలాస వంతులకి, అర్ధరాత్రి బార్లనుంచి తప్పతాగి బయటికి వచ్చి కారెక్కి పిచ్చి పీరులాగా తోలేవాళ్లకు హుక్క, బిర్యాని కబుర్లు మజాగా ఉంటాయి.

ముందు అట్టమీద ముఖ్యమంత్రి ఖట్టార్ గారి చిరునవ్వు మోము దర్శనమిచ్చింది అనుకోండి- సమస్యే లేదు- ఎందుకంటే అది హర్యానా రాష్ట్ర ప్రభుత్వం వారు ప్రచురించిన ‘కృషిసంవాద్’ అనే పత్రిక. వ్యవసాయ శాఖవారి తరఫున రాష్ట్ర సమాచార శాఖవారు తయారుచేశారు- సమాచార శాఖవారు విడుదల చేసిన మార్చి సంచిక- మార్కెట్‌లోకి బాగానే మార్చ్ చేసిందిగాని- దాని వెనుక అట్టమీద బాంబు ప్రేలింది.

నగదు రహిత సమాజం సాధ్యమేమో కానీ, చెత్త రహిత వీధులు, యాచక రహిత జన్‌క్షన్లు, గోతుల రహిత రోడ్లు సాధ్యం కాదు. ఆ మధ్య గోవా ముఖ్యమంత్రి ముష్టివాడి వాసన లేకుండా తన గోవాని చేస్తానని అసెంబ్లీలోనే మాట ఇచ్చాడు కానీ -అక్కడైనా అది సాధ్యమైనదాని? మనదాకా అట్టి శుభవార్త రాలేదు.

మధ్యప్రదేశ్‌లోని మందసౌర్ జిల్లాలో అటు కర్ఫ్యూ సడలిస్తూండగా ఇటు భోపాల్ దసరా మైదానంలో రాష్ట్ర ముఖ్యమంత్రి శివరాజ్‌సింగ్ చౌహాన్ ఉపవాస దీక్షకి కూర్చున్నాడు పాపం! రైతుల సమస్య పరిష్కరింపబడేదాకా ‘నేను పచ్చి మంచినీళ్ళు ముట్టను’ అన్నాడు. అలాగే, రైతు ఋణ పరిష్కార పథకం ఒకటి ప్రకటించాడు. ఈలోగా రైతులు రాళ్ళురువ్వుతూ కనబడ్డ వాహనాలు, బిల్డింగులను కూడా ‘పరశురామ ప్రీతి’ చేస్తూ పోలీసు బుల్లెట్లకు ఎదురొడ్డారు.