ఈసారి ఫిబ్రవరిలోనే ఎండలు తీవ్రమయ్యాయ. ఇక పదవ తరగతి పరీక్షల సమయంలో భానుని ఉగ్ర రూపం ఎట్లా ఉంటుందో తలచుకుంటేనే భయమేస్తున్నది. ఈసారి విద్యార్థులు పబ్లిక్ పరీక్షలకు తోడు, ప్రచండమైన ఎండలతో కఠిన పరీక్షను ఎదుర్కోనున్నారు. పరీక్షలు రాసే విద్యార్థులకు ఇబ్బందులు కలగకుండా చల్లని మంచినీటి సదుపాయం అన్ని పరీక్షా కేంద్రాల్లో విధిగా ఏర్పాటు చేయాలి.

ఆంధ్రలో ఆయుర్వేద కళాశాలల్లో చదివిన వారికి వాస్తవిక పరిజ్ఞానం దాదాపు లేదు. ఆ కళాశాలల్లో ఔషధ మొక్కల్ని పెంచడం-ఆ మొక్కల గురించి విద్యార్థులకు వివరించే ఓపిక అధ్యాపకులకు ఉండదు. ఆయుర్వేదంలో యోగా ఒక భాగం. కానీ యోగా ప్రాముఖ్యం విద్యార్థుల కి తెలిసింది సున్న. చివరికి ఉమ్మెత్త, కానుగ, గుంటకల గర లాంటివి కూడా తెలియదు. చాలామంది ప్రాక్టీసు పెట్టుకున్న వారు, అల్లోపతి మందులు ఇస్తున్నారు.

ఆంధ్ర ప్రదేశ్ ప్రభుత్వం 2015 డిశంబరు నాటికి ప్రభుత్వ ఉద్యోగులు, పెన్షనర్‌లకు రెండు విడతల డిఎ వాయదాలు ఇవ్వవలసి ఉన్నది. డిఎ ఇవ్వనందువల్ల ముఖ్యంగా పెన్షనర్లు చాలా ఇబ్బందులు పడుతున్నారు. ముఖ్యమంత్రి పెన్షనర్ల ఇబ్బందులను అర్థం చేసుకోవాలి. ఎందుకంటే వారు రిటైరై ఉన్నారు కదా. డిఎ విడుదలకు ఏడాది కాలం ఎందుకు పట్టిందో అర్థం కాదు. రాష్ట్ర విభజన కారణమా? ఆర్థిక దుస్థితి కారణమా?

ఇటీవల డిఎస్సీ పరీక్షా విధానంలో వికలాంగులకు వారికి కొన్ని స్థానాలను కేటాయించటంలో పక్షపాత వైఖరి కనిపిస్తున్నది. వికలాంగులకు నిర్ణీత సంక్షేమ పథకాల నిర్వహణ మరి ఉద్యోగ నియామక విధానాలు కేవలం చట్టాలకే పరిమితమైనాయ తప్ప, అమలుకు నోచడం లేదని స్పష్టవౌతోంది. ఇప్పటికైనా ఏ కులం వారైనప్పటికీ రిజర్వేషన్ సదుపాయమున్న వికలాంగులకు న్యాయం చేకూరుతుందా?
- కోవూరు వెంకటేశ్వరప్రసాదరావు, కందుకూరు