ఇటీవల ఎంఐఎం నేత ఒవైసీ మెడపై కత్తిపెట్టినా భారత్‌మాతాకీ జై అనను అని వ్యాఖ్యానించడం కడు విచారకరం. ఆయన మెడపై కత్తిపెట్టి ఆ మాటలు అనమని చెప్పేవారు ఎవ్వరూ ఇక్కడ లేరని ఒవైసీ గుర్తించడం మంచిది. ముందుగా ఆయన భారతీయ పౌరుడా లేక మరే ఇతర దేశ పౌరుడా వ్యాఖ్యానించాలి. ఈ దేశంలో లౌకిక వాదం ఉన్నంతకాలం ఇటువంటి ప్రకటనలనకు స్వేచ్ఛ ఉంటుందని ఆయన మననం చేసుకోవాలి.

పింగళి వెంకయ్య గొప్ప దేశభక్తుడు, జాతీయ జెం డాను రూపొందించినవాడు. స్వాతంత్య్ర సమరంలో ఆయన నిర్వహించిన విశిష్ట పాత్ర, జవహర్‌లాల్‌నెహ్రూ, సర్దార్ పటేల్, మహాత్మాగాంధీల ప్రశంసలందుకుంది. ఆయన జగద్గురు శంకరాచార్య భక్తుడు కూడ. ఆయన తన జీవితంలో ‘మానవ సేవయే మాధవ సేవ’ అనే నినాదాన్ని తూచ తప్పకుండా పాటించినవాడాయన. అంత చేసి ఆయన పేదరికంలోనే మరణించారు.

ఆనాడు తిరుమలశెట్టి శ్రీరాములు, అద్దంకి మన్నార్, జీడిగుంట రామచంద్ర, పన్యాల రంగనాథంగార్లు ఆకాశవాణి ద్వారా వార్తలను చదువుతుంటే శ్రోతలకు వీనులవిందుగా ఉండేది. వీరి కంఠం మృదు మధురంగా ఉండేది. కాని ఈనాడు వార్తలు చదువుతుంటే అపశ్రుతులు, కొన్ని అక్షరాలు పలుకక పోవడం అర్ధరహితముగా ఉండటం ఎంతో విచారకరం!
- కోవూరు వెంకటేశ్వరప్రసాదరావు, కందుకూరు
చారిత్రక కట్టడాన్ని కాపాడాలి

క్షణికావేశంలో విలువైన జీవితాన్ని ఆత్మహత్య పేరుతో చిదిమేసుకుంటున్న వారి సంఖ్య రోజురోజుకూ పెరుగుతోంది. మార్కులు సరిగ్గా రాలేదనో, అమ్మనాన్నలు తిట్టారనో, ప్రేమించే అమ్మాయి తిరస్కరించిందనో లాంటి చిన్నచిన్న కారణాలకు కూడా ఆత్మహత్యలకు పాల్పడడం దురదృష్టకరం.