న్యూఢిల్లీ, ఫిబ్రవరి 12: దేశంలో అత్యంత ప్రతిష్ఠాత్మకమైన భారత ఛార్టర్డ్ అకౌంటెంట్ల సంస్థ (ఐసిఎఐ)కి నూతన అధ్యక్షుడిగా ఎం దేవరాజారెడ్డి పదవీ బాధ్యతలు స్వీకరించారు. వచ్చే ఆర్థిక సంవత్సరం (2016- 17)కుగాను ఆయన ఈ పదవీలో కోనసాగనున్నారు. గడచిన 64 ఏళ్లలో ఐసిఎఐకి ఒక తెలుగు వ్యక్తి అధ్యక్షుడు కావడం ఇదే ప్రథమం. తిరుపతికి చేందిన దేవరాజారెడ్డి గత 28 ఏళ్లుగా ఛార్టర్డ్ అకౌంటెంట్‌గా సేవలందిస్తున్నారు.

మదనపల్లె, ఫిబ్రవరి 12: చిత్తూరు జిల్లా మదనపల్లె టమోటా వ్యవసాయ మార్కెట్‌లో టమోటా ధరలు పడిపోతున్నాయ. ఫలితంగా రైతులు నష్టాల పాలవుతున్నారు. రైతులంతా పంటను మార్కెట్‌కు తరలించడంతో డిమాండ్ కంటే అధికంగా సరఫరా జరిగి ధరలు పతనమవుతున్నాయ. మరోవైపు కర్నాటక రాష్ట్రంలోని చింతామణి, వాయల్పాడుతోపాటు అనంతపురం, కడప జిల్లాల్లో పండించిన టమోటాలు కూడా మదనపల్లె మార్కెట్‌కు వస్తున్నాయ.

విశాఖపట్నం, ఫిబ్రవరి 12: పారిశ్రామికాభివృద్ధిలో భాగంగా ఏర్పాటు చేసిన ప్రత్యేక ఆర్థిక మండళ్ల (ఎస్‌ఇజెడ్) ద్వారా ప్రస్తుత ఆర్థిక సంవత్సరం (2015-16)లో డిసెంబర్ నెలాఖరునాటికి రూ. 40,565 కోట్ల మేర ఎగుమతులు చేసినట్టు జోనల్ డెవలప్‌మెంట్ కమిషనర్ శోభన కెఎస్ రావు తెలిపారు.

న్యూఢిల్లీ: ప్రపంచ వ్యాప్తంగా గందరగోళ పరిస్థితులు నెలకొన్నప్పటికీ ప్రస్తుత ఆర్థిక సంవత్సరంలో భారత్ వృద్ధి రేటు 7.6 శాతంగా ఉంటుందన్న అంచనాలు ఎంతో ఘనమైనవి, ప్రాధాన్యతతో కూడినవేనని ఆర్థిక శాఖ పేర్కొంది. ప్రపంచంలో మారుతున్న పరిణామాలను ప్రభుత్వం నిశితంగా గమనిస్తూ సవాళ్లను అధిగమించేందుకు సిద్ధంగా ఉందని ఆ శాఖ స్పష్టం చేసింది.