ఒంగోలు, మార్చి 30: వేసవికాలం ప్రారంభంలోనే పాడి పరిశ్రమ ఒట్టిపోయే దశకు చేరుకుంటోంది. అనావృష్టి ఛాయలు అలుముకోవడంతో చాలాచోట్ల భూములు బీళ్లుగా మారిపోయాయి. ప్రధానంగా భూగర్భ జలాలు అడుగంటిపోవడం, చెరువులు, కుంటల్లో సైతం నీరు లేకపోవటంతో పశు పోషకుల పరిస్థితి అగమ్యగోచరం గా తయారైంది. కొంతమంది చేసేదేమీలేక ఎలాగోలా పశువులను మేపుకుంటూ జీవనం సాగిస్తుంటే, మరికొంతమంది తమవల్ల కాదంటూ కబేళాలకు విక్రయిస్తున్నారు.

న్యూఢిల్లీ, మార్చి 30: ఉద్దేశపూర్వక రుణ ఎగవేతదారు అపవాదును ఎదుర్కొంటున్న లిక్కర్ వ్యాపారి విజయ్ మాల్యా.. ఆయన నేతృత్వంలోని ప్రైవేట్‌రంగ విమానయాన సంస్థ కింగ్‌ఫిషర్ ఎయిర్‌లైన్స్ లిమిటెడ్ బ్యాంకులకు 4,000 కోట్ల రూపాయలను చెల్లిస్తామని బుధవారం ప్రతిపాదించాయి.

సిడ్నీ, మార్చి 29: భారత్‌లో పెట్టుబడులు పెట్టాలని ఆస్ట్రేలియా మదుపరులను కేంద్ర ఆర్థిక శాఖ మంత్రి అరుణ్ జైట్లీ ఆహ్వానించారు. ప్రస్తుతం నాలుగు రోజుల ఆసీస్ పర్యటనలో ఉన్న జైట్లీ.. మంగళవారం ఇక్కడ సిడ్నీ క్యాంపస్ ఆఫ్ ఎస్‌పి జైన్ స్కూల్ ఆఫ్ గ్లోబల్ మేనేజ్‌మెంట్ ఆధ్వర్యంలో జరిగిన కార్యక్రమంలో పాల్గొన్నారు.

న్యూఢిల్లీ, మార్చి 29: సహారాకు చెందిన పలు ఆస్తులను అమ్మేయాలని మార్కెట్ రెగ్యులేటర్ సెబీకి సుప్రీం కోర్టు మంగళవారం తెలిపింది. మార్కెట్ నిబంధనలను ఉల్లంఘించి మదుపరుల నుంచి సహారా గ్రూప్‌నకు చెందిన రెండు సంస్థలు భారీగా నిధులను సమీకరించాయన్న కేసులో గత రెండేళ్ల నుంచి సహారా అధినేత సుబ్రతా రాయ్ జైళ్లో ఉంటున్నది తెలిసిందే.