హైదరాబాద్, ఏప్రిల్ 22: ఆయిల్‌పామ్ ఉత్పత్తి టన్ను ధరను రూ. 7,888కి పెంచుతూ కేంద్రం తీసుకున్న నిర్ణయం పట్ల ఆయిల్ పామ్ డెవలపర్స్ ప్రాసెసర్స్ అసోసియేషన్ అధ్యక్షుడు సంజయ్ గోయంగా స్వాగతించారు. గిట్టుబాటు ధర లేక పామాయిల్ రైతులు ఇక్కట్లు పాలవుతున్న సమయంలో కేంద్రం మార్కెట్ ఇంటర్వెన్షన్ స్కీం ద్వారా ధరను పెంచడం వల్ల రైతులు ఉపశమనం పొందారన్నారు.

ముంబయి, ఏప్రిల్ 22: దేశీయ రెండో అతిపెద్ద ప్రైవేట్‌రంగ బ్యాంకింగ్ సంస్థ హెచ్‌డిఎఫ్‌సి బ్యాంక్ నికర లాభం గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చిలో 20.2 శాతం వృద్ధి చెంది 3,374.2 కోట్ల రూపాయలుగా నమోదైంది. పెరిగిన నికర వడ్డీ ఆదాయం లాభాల్లో చెప్పుకోదగ్గ వృద్ధికి కారణమైందని శుక్రవారం బ్యాంక్ తెలిపింది.

న్యూఢిల్లీ, ఏప్రిల్ 21: లిక్కర్ కింగ్ విజయ్ మాల్యా రుణాల ఎగవేత కేసులో కొత్త మలుపు చోటు చేసుకుంది. తన విదేశీ ఆస్తుల వివరాలను అడిగే హక్కు బ్యాంకులకు లేదని సుప్రీం కోర్టులో మాల్యా ఓ అఫిడవిట్‌ను దాఖలు చేశారు. ఈ నెల 21లోగా మాల్యా, ఆయన కుటుంబ సభ్యులకు దేశ, విదేశాల్లో ఉన్న మొత్తం ఆస్తుల వివరాలను వెల్లడించాలని అత్యున్నత న్యాయస్థానం ఇంతకుముందు ఆదేశించినది తెలిసిందే.

న్యూఢిల్లీ, ఏప్రిల్ 21: మహిళా ఉద్యోగులకు సంబంధించి ది టైమ్స్ ప్రచురించిన జాబితాలో భారతీయ ఐటిరంగ దిగ్గజం టాటా కన్సల్టెన్సీ సర్వీసెస్ (టిసిఎస్) టాప్-50 సంస్థల్లో చోటు సంపాదించింది. బ్రిటన్‌లో అత్యధిక ఉద్యోగిణులున్న సంస్థల్లో టిసిఎస్ కూడా ఉందని ది టైమ్స్ పేర్కొంది. టిసిఎస్‌లో ప్రపంచవ్యాప్తంగా లక్షకుపైగా మహిళలు పనిచేస్తున్నారు. సంస్థ మొత్తం ఉద్యోగుల్లో ఇది మూడో వంతుకు సమానం.