ముంబయి: దేశీయ మార్కెట్లు మంగళవారం భారీ లాభాలతో ముగిశాయి. డాలర్‌తో రూపాయి మారకం విలువ రూ. 67.06 వద్ద కొనసాగుతోంది. సెన్సెక్స్‌ 440 పాయింట్లు లాభపడి 52 వారాల గరిష్ఠానికి చేరింది. మార్కెట్‌ ముగిసే సమయానికి సెన్సెక్స్‌ 28,343 వద్ద స్థిరపడింది. నిఫ్టీ 137 పాయింట్ల లాభంతో 8,744 వద్ద ముగిసింది.

న్యూఢిల్లీ, ఆగస్టు 29: తన ప్రత్యర్థి ఈ-కామర్స్ సంస్థలైన అమెజాన్, ఫ్లిప్‌కార్ట్‌లకు పోటీగా స్నాప్‌డీల్ తమ కస్టమర్ల కోసం ఓ ప్రీమియం మెంబర్‌షిప్ సర్వీసును పరిచయం చేసింది. స్నాప్‌డీల్ గోల్డ్ పేరుతో వచ్చిన ఈ ఆఫర్‌లో కస్టమర్లకు స్నాప్‌డీల్ ఉచితంగా షిప్పింగ్ చేస్తుంది. మరికొన్ని ప్రయోజనాలనూ కస్టమర్లకు స్నాప్‌డీల్ అందించనుంది.

న్యూఢిల్లీ, ఆగస్టు 29: ముకేశ్ అంబానీ నేతృత్వంలోని టెలికామ్ సంస్థ రిలయన్స్ జియో ఇన్ఫోకామ్ దేశీయ టెలికామ్ రంగంలో పెను మార్పులకే వేదికవుతోంది. జియోకు చెక్ పెట్టేందుకు టెలికామ్ దిగ్గజం భారతీ ఎయిర్‌టెల్.. తమ 4జి, 3జి మొబైల్ ఇంటర్నెట్ చార్జీలను 80 శాతం వరకు తగ్గించింది మరి. ఇందులో భాగంగానే ఒక గిగాబైట్ (జిబి)ను కేవలం 51 రూపాయలకే అందిస్తోంది.

న్యూఢిల్లీ, ఆగస్టు 29: భారత్-అమెరికా సిఇఒ ఫోరమ్ సమావేశం మంగళవారం జరగనున్న క్రమంలో సోమవారం కేంద్ర వాణిజ్య, పరిశ్రమల శాఖ మంత్రి నిర్మలా సీతారామన్‌ను దేశీయ అగ్రశ్రేణి సంస్థల సిఇఒలు కలిశారు. ఇంధనం, తయారీ తదితర కీలక రంగాలపై ఈ సందర్భంగా చర్చించారు. సైరస్ మిస్ర్తి, సునీల్ మిట్టల్, చందా కొచ్చర్, దీపక్ పరేఖ్, ఆనంద్ మహీంద్ర తదితర ప్రముఖులు సీతారామన్‌తో సమావేశమైన వారిలో ఉన్నారు.