చిత్తూరు: చిత్తూరు నగర మేయర్ అనూరాధ దంపతుల హత్య కేసుకు సంబంధించి మరో నిందితుడిని పోలీసులు గురువారం అరెస్టు చేశారు. ఈ కేసులో ప్రధాన నిందితుడైన చింటూ డ్రైవర్ కోర్టులో లొంగిపోయేందుకు ఇక్కడికి రావడంతో పోలీసులు పసిగట్టి అరెస్టు చేశారు.

తిరుమల: తిరుమలలోని శ్రీవారి ఆస్థాన మండపంలో బుధవారం ఉదయం ధార్మిక సదస్సు ప్రారంభమైంది. వివిధ ప్రాంతాల నుంచి పలువురు పీఠాధిపతులు, మఠాధిపతులు, ఆధ్యాత్మికవేత్తలు సదస్సుకు హాజరయ్యారు. రాష్ట్ర దేవాదాయ మంత్రి మాణిక్యాలరావు, టిటిడి చైర్మన్ చదలవాడ కృష్ణమూర్తి, ఇవో సాంబశివరావు, తదితరులు ఈ సందర్భంగా మాట్లాడారు.

చిత్తూరు: భారీ వర్షాల కారణంగా ఎ.పి. సి.ఎం. చంద్రబాబు బుధవారం తిరుపతిలో జరుపనున్న పర్యటన రద్దయింది. పద్మావతి వైద్య కళాశాల ప్రారంభోత్సవం, స్విమ్స్ స్నాతకోత్సవం కార్యక్రమంలో ఆయన పాల్గొనాల్సి ఉంది. జిల్లా వ్యాప్తంగా భారీ వర్షాలు కురుస్తున్నందున సహాయక చర్యలను పక్బందీగా చేపట్టాలని ఆయన అధికారులకు ఆదేశించారు. చెరువులకు గండ్లు పడకుండా చర్యలు తీసుకోవాలని ఆయన సూచించారు.

విజయవాడ: నెల్లూరు జిల్లాకు చెందిన కాంగ్రెస్ నాయకులు ఆనం రామనారాయణరెడ్డి, ఆనం వివేకానందరెడ్డి బుధవారం ఉదయం ఇక్కడ టిడిపి అధ్యక్షుడు, ఎ.పి. సిఎం చంద్రబాబు సమక్షంలో ఆ పార్టీలో చేరారు. చంద్రబాబు నివాసానికి ఉదయం 9 గంటలకు ఆనం సోదరులు వచ్చారు. వారికి పార్టీ కండువాలను కప్పి చంద్రబాబు ఆహ్వానించారు. రాష్ట్ర అభివృద్ధిని దృష్టిలో పెట్టుకొని తాము తెలుగుదేశంలో చేరినట్లు ఆనం సోదరులు ప్రకటించారు.