అనంతపురం: వీడ్కోలు పార్టీ సందర్భంగా విద్యార్థుల మధ్య జరిగిన ఘర్షణలో ఒక విద్యార్థి మరణించిన సంఘటన బుక్కరాయ సముద్రంలో ఆదివారం రాత్రి జరిగింది. పార్టీలో ఇంజనీరింగ్ విద్యార్థుల మధ్య గొడవ ఫలితంగా ధనంజయ్ అనే విద్యార్థి తీవ్రంగా గాయపడ్డాడు. వెంటనే అతడ్ని సమీపంలోని ప్రైవేటు ఆస్పత్రికి తరలిస్తుండగా మరణించాడు.

హైదరాబాద్: అగ్రిగోల్డ్ కేసుపై తాము ఇచ్చిన వాయిదా తీర్మానంపై చర్చ జరపాలని వైకాపా ఎమ్మెల్యేలు పట్టుబట్టడంతో ఎపి అసెంబ్లీ సమావేశం సోమవారం రెండుసార్లు వాయిదా పడింది. సభ ప్రారంభమైన వెంటనే వాయిదా తీర్మానంపై చర్చ జరపాలని వైకాపా సభ్యులు కోరగా స్పీకర్ కోడెల శివప్రసాదరావు అందుకు అంగీకరించలేదు.

హైదరాబాద్, మార్చి 27: శాసనసభ సమావేశాల్లో భాగంగా ఈనెల 29, 30 తేదీల్లో ద్రవ్య వినిమయ బిల్లు చర్చకు వస్తున్నందున తప్పకుండా హాజరవ్వాలని తన పార్టీ ఎమ్మెల్యేలకు వైకాపా విప్ జారీ చేసింది. పార్టీకి చెందిన ఎమ్మెల్యేలంతా చర్చలో పాల్గొని ద్రవ్య వినిమయ బిల్లుకు వ్యతిరేకంగా ఓటు వేయాల్సిందిగా విప్ జారీ చేసినట్లు విప్ అమరనాథ్ రెడ్డి ప్రకటించారు.

హైదరాబాద్, మార్చి 27: ఆంధ్రప్రదేశ్‌లో బలహీన వర్గాల గృహ నిర్మాణంలో ప్రగతి అంతంతమాత్రంగానే కొనసాగుతోంది. భారీ ఎత్తున బడ్జెట్‌లో నిధులు కేటాయించినా ఆశించిన స్థాయిలో లక్ష్యం మాత్రం నెరవేరడం లేదు. గత ఆర్థిక సంవత్సరం (2015-16)లో 93,962 ఇళ్ల నిర్మాణాన్ని లక్ష్యంగా పెట్టుకుంటే, కేవలం 47,782 ఇళ్లను పూర్తి చేసినట్లు ప్రభుత్వం వెల్లడించింది. అయితే బడ్జెట్ ప్రణాళిక ప్రకారం కేటాయించిన రూ.