విజయవాడ, మే 2: రాజధాని అమరావతిని నిర్మించే సంస్థను ఖరారు చేసేపనిలో రాష్ట్ర ప్రభుత్వం బిజీ అయింది. అత్యుత్తమ ఆర్కిటెక్ట్‌ను ఎంపిక చేసేందుకు రాష్ట్ర ప్రభుత్వం కసరత్తు మొదలు పెట్టిందని ముఖ్యమంత్రి చంద్రబాబు నాయుడు వెల్లడించారు. సోమవారం ఆయన ఇక్కడ విలేఖరుల సమావేశంలో మాట్లాడుతూ ఇప్పటివరకూ రాజధాని అమరావతికోసం చేసిన పని అంతా ఒక ఎత్తు, ఇకముందు జరిగేది మరో ఎత్తు అని అన్నారు.

చింతూరు, మే 3: దండకారణ్యంలో మావోయిస్టులను అణచివేయడానికి ప్రభుత్వం చేపడుతున్న వైమానిక దాడులకు వ్యతిరేకంగా మావోయిస్టులు 4, 5 తేదీల్లో దండకారణ్య బంద్‌కు పిలుపునిచ్చారు. ఇందులో భాగంగా మండలంలోని ఏడుగుర్రాలపల్లి, పేగ గ్రామాల నడుమ పలుచోట్ల రహదారులపై కందకాలు తవ్వారు. చెట్లను నరికి రహదారికి అడ్డంగా పడవేశారు.

నాగార్జున యూనివర్సిటీ, మే 3: రానున్న రోజుల్లో రాష్ట్ర విద్యావ్యవస్థను మరింత బలోపేతం చేయడానికి వీలుగా అనేక విప్లవాత్మకమైన మార్పులకు శ్రీకారం చుట్టనున్నామని రాష్ట్ర మానవ వనరుల శాఖ మంత్రి గంటా శ్రీనివాసరావు తెలిపారు. మంగళవారం ఆచార్య నాగార్జున యూనివర్సిటీలో జరిగిన వ్యాయామవిద్య రాష్టస్థ్రాయి శిక్షణ తరగతుల ప్రారంభోత్సవ కార్యక్రమంలో ఆయన ముఖ్యఅతిథిగా ప్రసంగించారు.

విజయవాడ, మే 3: రాష్ట్రంలో ఇప్పటివరకూ ఎన్నికలు జరగని మున్సిపాలిటీలకు, నగర పాలక సంస్థలకు ఈ ఏడాది సెప్టెంబర్ తరువాత ఎన్నికలు నిర్వహించేందుకు ప్రభుత్వం సమాయత్తం అవుతోంది. ఇందులోభాగంగా మంగళవారం విజయవాడలోని తెలుగుదేశం పార్టీ కార్యాలయంలో రాష్ట్ర పార్టీ అధ్యక్షుడు కళా వెంకటరావు, మున్సిపల్ మంత్రి నారాయణ నేతృత్వంలో కీలక సమావేశం జరిగింది.