అనంతపురం (తలుపుల), జూన్ 4:‘ప్రజలను మోసపుచ్చిన వారిని చెప్పుతో కొట్టాలి అని చెప్పడం రాయలసీమలో సహజమని, ఎవరైనా డబ్బు తీసుకుని మోసం చేస్తే గ్రామీణ ప్రాంతాల్లో చెప్పుతో కొడతామని అంటారని, ఆచరణ సాధ్యం కాని హామీలతో కొట్లాది మంది రాష్ట్ర ప్రజలను మోసపుచ్చి అధికారంలోకి వచ్చిన చంద్రబాబును చెప్పుతో కొట్టాలనడం తప్పెలా అవుతుందని’ వైకాపా అధినేత వైఎస్.జగన్మోహన్‌రెడ్డి అన్నారు.

శ్రీకాకుళం, జూన్ 4: విభజన తర్వాత జరిగిన ఆర్థిక, రాజకీయ, సామాజిక పరిస్థితులు తెలిసికూడా ప్రతిపక్షం తన పాత్రను సక్రమంగా నిర్వర్తించలేకపోయిందని రాష్ట్ర కార్మికశాఖ మంత్రి కింజరాపు అచ్చెన్నాయుడు విమర్శించారు.

విజయవాడ, జూన్ 4: విజయవాడ మెట్రో రైలు ప్రాజెక్ట్ మరో అడుగు ముందుకు వేసింది. విజయవాడలో మెట్రో రైలు ప్రాజెక్ట్‌ను వీలైనంత త్వరగా ఏర్పాటు చేయాలని రాష్ట్ర ప్రభుత్వం పట్టుదలతో ఉంది. ఇందుకోసం కేంద్ర పెద్దలను ఎప్పటికప్పుడు సంప్రదిస్తూ మెట్రో ఫైలును ముందుకు నడిపించుకుంటూ వచ్చింది. మెట్రో రైలు ప్రాజెక్ట్‌కు ఆమోద ముద్ర లభించాలంటే, అనేక మైలు రాళ్లను దాటాల్సి ఉంటుంది.

హైదరాబాద్, జూన్ 3: ఆంధ్రప్రదేశ్ రాజధాని అమరావతికి ఉద్యోగుల తరలింపు ప్రక్రియను వాయిదా వేయాలని ఉద్యోగులు, ఉద్యోగ సంఘాల నాయకులు రాష్ట్ర ప్రభుత్వ ప్రధాన కార్యదర్శి సత్యప్రకాష్ టక్కర్‌ను కోరారు. ప్రభుత్వం జూన్ చివరి నాటికి అమరావతి తరలివెళ్లాల్సిందేనని ఆదేశాలు జారీ చేసిందే తప్ప పూర్తి వివరాలు తమకు ఇవ్వలేదని, దీనిపై ప్రభుత్వం మరింత స్పష్టత ఇస్తే బావుంటుందని వారు సిఎస్‌కు విజ్ఞప్తి చేశారు.