ఒంగోలు: తాను పనిచేస్తున్న లాడ్జీలో 80 వేల రూపాయలు చోరీ చేయడమే గాక, మిర్చి రైతులకు రెండు కోట్ల రూపాయలు బకాయి పడిన వంచకుడు పోలీస్ స్టేషన్ నుంచి పరారయ్యాడు. లాడ్జీలో నగదు చోరీకి సంబంధించి పర్చూరు పోలీసులు ప్రభాకర శర్మ అనే నిందితుడిని అరెస్టు చేసి పోలీస్ స్టేషన్‌లో ఉంచారు. రెండు కోట్ల రూపాయల మేరకు మిరపకాయలు కొనుగోలు చేసి రైతులకు బకాయిపడినట్టు నిందితుడు పోలీసుల విచారణలో అంగీకరించాడు.

విశాఖపట్నం, జూన్ 29: రాష్ట్ర విద్యా సంక్షేమ వౌలిక సదుపాయాల కల్పన సంస్థ (ఎపిఇడబ్ల్యుఐడిసి) సూపరింటెండెంట్ ఇంజనీర్ ఇళ్లలో అవినీతి నిరోధక శాఖ (కేంద్ర బృదం) బుధవారం సోదాలు నిర్వహించింది. గత కొంతకాలంగా ఎస్‌ఇ కర్రి భాస్కరరావుపై తీవ్రమైన ఆవినీతి ఆరోపణలు రావడంతో ఎసిబి కేంద్ర బృందం విస్తృతంగా సోదాలు నిర్వహించింది. సుమారు రూ 1.63 కోట్ల మేర ఆస్తులు గుర్తించినట్టు అధికారులు తెలిపారు.

విజయవాడ, జూ 29: నవ్యాంధ్రలో పెట్టుబడులను ఆకర్షించేందుకు ముఖ్యమంత్రి చంద్రబాబు చైనాలో విస్తృతంగా పర్యటిస్తున్నారు. వివిధ సంస్థల ప్రతినిధులను కలుసుకుని ఒప్పందాలు కుదుర్చుకుంటున్నారు. చైనాలో బుధవారం నాలుగోరోజు పర్యటనలో భాగంగా గిజో జో ప్రావిన్స్‌లోని గియాన్ నగరంలో చంద్రబాబు పర్యటించారు. గిజో ప్రావిన్స్ వైస్ గవర్నర్ క్విన్ రు పీతో భేటీ అయ్యారు.

అనంతపురం: హిందూపురం ఎమ్మెల్యే, సినీనటుడు నందమూరి బాలకృష్ణకు తృటిలో పెను ప్రమాదం తప్పింది. బుధవారం మధ్యాహ్నం హిందూపురం నుంచి బెంగళూరుకు వెళుతుండగా ఆయన ప్రయాణిస్తున్న వాహనం డివైడర్‌ను ఢీకొంది. ఈ ప్రమాదం నుంచి సురక్షితంగా బయటపడిన ఆయన వేరే వాహనంలో బెంగళూరుకు వెళ్లారు.